Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Nurlan Noǵaev elshilermen Teńiz vahtalyq qalashyǵynda bolǵan oqıǵany talqylady

2019 jylǵy 1 shilde 22:56 810
Bólisińiz:
Nurlan Noǵaev elshilermen Teńiz vahtalyq qalashyǵynda bolǵan oqıǵany talqylady

ATYRAÝ. QazAqparat - Búgin Atyraý oblysynyń ákimi Iordanııanyń Qazaqstandaǵy elshisi ıÝsýf Abdýlganımen, Lıvan elshisi Jıskar Ál-Hýrımen jáne Palestına elshisi Montaser Abý Zeıdpen kezdesti. Taraptar Teńiz vahtalyq qalashyǵynda bolǵan oqıǵany talqylady, dep habarlaıdy QazAqparat tilshisi.

Atyraý oblysynyń ákimi qazir Teńiz qalashyǵynda ahýal turaqty ekenin, 30-dan astam adam jeńil jaraqat alǵanyn, ómirlerine qaýip joq ekenin aıtty.

«Atyraý oblysy ákiminiń birinshi orynbasary jetekshilik etetin vedomstvoaralyq komıssııa quryldy, komıssııa oqıǵanyń sebep-saldaryn anyqtaıtyn bolady. Bizdiń tarapymyzdan osyndaı oqıǵalardy aldaǵy ýaqytta boldyrmaý maqsatynda barlyq sharalar qolǵa alynady. Teńiz jobasyna tartylǵan jumysshylardyń ómirleri men densaýlyqtaryna qaýip joq, bul másele bizdiń nazarymyzda», - dedi Nurlan Noǵaev.

Elshiler oqıǵanyń turmystyq sıpatta ekenin jáne bolashaqta mundaı jaǵdaılardyń qaıtalanbaýy úshin barlyq kúshterin salatyndaryn atap ótti.

«Bul jaǵdaı sizder úshin de, biz úshin de óte yńǵaısyz boldy. Bul problema Palestına men Qazaqstannyń tarıhı qarym-qatynasyna syzat túsirmeýin qalaımyz. Bizdiń basshylyǵymyz ben Palestına halqy Qazaqstannyń Tuńǵysh Prezıdenti Nursultan Nazarbaevtyń sarabdal saıasatyn, arab-ızraıl janjalyna qatysty qaýipsizdik keńesiniń, bas assambleıa, BUU-nyń barlyq rezolıýtsııalaryn qoldaǵanyn joǵary baǵalaıdy. Bolǵan jaıttar bizdiń qarym-qatynasymyzǵa keri áserin tıgizbeıdi. Biz ortaq til tabystyq, jaqynda SSS kompanııasynyń ıesi Qazaqstandaǵy jumys pen yntymaqtastyqty jalǵastyrý jóninde sóılesý úshin oblys ákimimen kezdesýge keledi», -dedi Palestınanyń QR-daǵy elshisi, doktor Montaser Abý Zeıd.
Nurlan Noǵaev elshilermen Teńiz vahtalyq qalashyǵynda bolǵan oqıǵany talqylady

Sondaı-aq, Iordanııa elshisi jumysshylardyń kóp keshikpeı jumys oryndaryna oralatynyna senim bildirdi.

«Teńiz ken ornynda bolǵan oqıǵa keń peıil, qonaqjaı qazaq halqynyń kóńiline kóleńke túsirmeıdi degen oıdamyz. Iordanııa men Qazaqstan arasyndaǵy áriptestik joǵary deńgeıde. Biz jumysshylarymyzdyń kóp keshikpeı jumys oryndaryna oralatynyna senim bildiremiz. Qazaqstan Úkimeti bul máselede bizge qoldaý kórsetip otyr», - dedi Iordanııanyń QR-daǵy elshisi ıÝsýf Abdýlganı.

Odan bólek, Lıvannyń QR-daǵy elshisi Jıskar Ál-Hýrı Lıvan men Qazaqstan kez kelgen máseleni ashyq sheshe alatynyn aıtty.

«Biz bul jerge áleýmettik jelilerde jazylyp jatqandaı azamattarymyzdyń Qazaqstannan ketýin surap kelgen joqpyz. Lıvan men Qazaqstannyń dostyǵy berik, biz kez kelgen máseleni ashyq sheshe alamyz. Buǵan ákimmen kezdesýimiz de mysal bola alady. Osy taqyrypty birge talqylaı alǵanymyz úshin ákimge jáne ákimdiktiń resmı ókilderine rızashylyǵymyzdy bildiremiz»,-dedi Lıvannyń QR-daǵy elshisi Jıskar Ál-Hýrı.


Nurlan Noǵaev elshilermen Teńiz vahtalyq qalashyǵynda bolǵan oqıǵany talqylady
Nurlan Noǵaev elshilermen Teńiz vahtalyq qalashyǵynda bolǵan oqıǵany talqylady
Nurlan Noǵaev elshilermen Teńiz vahtalyq qalashyǵynda bolǵan oqıǵany talqylady


Nurlan Noǵaev elshilermen Teńiz vahtalyq qalashyǵynda bolǵan oqıǵany talqylady

Bizdiń kanalymyzǵa jazylyńyz:

Bólisińiz:

Avtor:

Abaı Abylaıuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT