Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Nur Otan partııasynyń Mańǵystaý oblystyq fılıalynyń tóraǵasy taǵaıyndaldy

2019 jylǵy 10 shilde 18:28 567
Bólisińiz:
Nur Otan partııasynyń Mańǵystaý oblystyq fılıalynyń tóraǵasy taǵaıyndaldy

AQTAÝ. QazAqparat - Nur Otan partııasynyń Mańǵystaý oblystyq fılıalynyń tóraǵasy bolyp aımaq basshysy Serikbaı Trumov taǵaıyndaldy, dep habarlaıdy QazAqparat tilshisi.

Jańa basshyǵa kýálikti óńirge arnaıy saparmen kelgen partııa tóraǵasynyń birinshi orynbasary Baýyrjan Baıbek  kezekten tys HHHІ konferentsııada tabystap, quttyqtady. Jıynda saıası keńes quramyna engizilgen ózgerister aıtylyp, bolashaqqa jospar jasaldy.

Jıynda Baýyrjan Baıbek qoǵamdyq dıalog qamtamasyz etý kerektigin aıtyp, arystyqtarǵa kómek qolyn sozǵan Mańǵystaý halqyna rızashylyǵyn bildirdi. Eldiń áleýetin arttyratyn bastamalardy da aıaqsyz qaldyrmaýdy tapsyryp, ásirese, "Baqytty otbasy", "Qutty meken", "Halyqqa kómek", "Aýyl - el besigi" syndy 20 jobanyń jumysyn jandandyrýǵa nazar aýdarylatynyn jetkizdi.

 «Partııa halyq pen bılik arasyndaǵy dáneker bolýy qajet. Kóp jaǵdaıda partııa únsiz qalady da, saldarynan halyqta ókpe paıda bolady. Sol sebepti, halyqpen ashyq dıalog quryp, syn aıtylý qajet. Prezıdent Qasym Jomart Kemelulynyń tapsyrmasyna sáıkes, partııa qataryn sózi men isine salǵyrt qaraıtyn, ýádesine turmaıtyn, saýatsyz jandardan tazartyp, partııa quramyn el aldynda óz sózin ótkize alatyn, eline adal qyzmet etýge daıar jigerli jas býyn ókilderimen tolyqtyrý qajet», - dedi  «NUR OTAN» partııasy tóraǵasynyń birinshi orynbasary Baýyrjan Baıbek. 

Konferentsııa barysynda «Nur Otan» partııasy MOF Saıası keńesiniń quramyna birneshe ózgerister engizilip, «Nur Otan» partııasy Mańǵystaý oblystyq fılıal tóraǵasynyń birinshi orynbasary bolyp Elýbaı Ábilov Jaqaıuly taǵaıyndaldy. Jalpy, jyl basynan beri partııanyń óńirdegi fılıalyna 1395 aryz túsken. Onyń teń jartysy oń sheshimin tapsa, qalǵanyna kómek kórsetilgen.

Basqosý sońynda partııa jumysyna belsendi atsalysqandarǵa Prezıdent Qasym Jomart Kemeluly atynan alǵys hattar tabystaldy.

Sodan soń, «Nur Otan» partııasy Tóraǵasynyń Birinshi orynbasary qurylysy júrip jatqan onkologııalyq dıspanserdiń jumysymen tanysty.

 

 

Bizdiń kanalymyzǵa jazylyńyz:

Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT