Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Muhtar Taıjan: Aýyl sharýashylyǵy jerin jalǵa berý tetigin ózgertý kerek

2019 jylǵy 15 aqpan 15:58 1922
Bólisińiz:
Muhtar Taıjan: Aýyl sharýashylyǵy jerin jalǵa berý tetigin ózgertý kerek

ASTANA. QazAqparat - Parlament Májilisinde úkimettik emes uıymdardyń, qoǵamdyq uıymdardyń ókilderi aýyl sharýashylyǵy jerlerin tıimdi paıdalaný máselesi boıynsha óz usynystaryn bildirdi, dep habarlaıdy QazAqparat tilshisi.

Aıta ketsek, Parlament Májilisinde qazirgi ýaqytta «Jer resýrstaryn tıimdi paıdalanýdyń ózekti máseleleri» atty dóńgelek ústel ótip jatyr.

Bolathan Taıjan atyndaǵy qordyń prezıdenti, jer reformasy boıynsha komıssııa múshesi Muhtar Taıjan jer resýrstaryn tıimdi paıdalaný máseleleri boıynsha birneshe usynys bildirdi. Onyń aıtýynsha, jer boıynsha memlekettik menshikti saqtaı otyryp, jalǵa berý naryǵyn damytý mańyzdy. Muhtar Taıjan atap ótkendeı, jerdiń jal naryǵy tek qana Qazaqstan azamattary arasynda jáne 100 paıyz qazaqstandyq fırmalardyń arasynda bolýy tıis. Naryq ashyq ári elektrondy bolýy kerek.

«Bizdiń usynysymyz - biryńǵaı agrarlyq salyqty engizý. Ol ne degen sóz. Búgingi tańda eger men jermen aınalyspasam, men jerdiń salyǵyn tólemeımin. ıAǵnı, jer bos jata beredi. Al eger men jumys jasaı bersem, maǵan qosymsha 7-8 salyq qosylady. Sonda maǵan jermen aınalysý, jermen jumys isteý tıimdi de emes. Biz buny ózgertýimiz kerek dep esepteımin. Jerdi jalǵa aldyń ba - sol jyldan bastap, sen biryńǵaı salyqty tóleýiń kerek. ıAǵnı, saǵan jermen aınalyspaý tıimdi bolmaıdy. Al eger jumys isteı berseń, salyqty ońaı tóleýge bolady. Bul jerde jemqorlyqqa da jol bermeımiz. Sebebi, salyqty sanaý óte ońaı. Eshqandaı esepshi de kerek emes. Sol sebepti, bizdiń negizgi usynystarymyzdyń biri - biryńǵaı agrarlyq salyqty engizý», - dedi ol.

Sonymen birge, dóńgelek ústel barysynda jerdi paıdalaný protsesteri boıynsha qatań baqylaý ornatý úshin ǵaryshtyq monıtorıng júıesin zańdastyrý kerek.

Muhtar Taıjannyń aıtýynsha, bank kepildiginen aýyl sharýashylyǵy jerlerin ashyp shyǵý boıynsha zańnamalyq sheshimderdi tabý kerek.

 

 

Bizdiń kanalymyzǵa jazylyńyz:

Basty sózder: Jer máselesi, Parlament,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT