Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Muǵalimder men dárigerlerdi baspanamen qamtý: tártibi, merzimi men talaptary

2019 jylǵy 5 maýsym 17:35 7935
Bólisińiz:
Muǵalimder men dárigerlerdi baspanamen qamtý: tártibi, merzimi men talaptary

NUR-SULTAN. QazAqparat - Qazaqstan ıpotekalyq kompanııasy eki mınıstrlikpen kelisim jasasyp, muǵalimder men dárigerlerge bastapqy jarnasyz 3 myń páter jalǵa beriletinin (keıin satyp alý múmkindigimen) jarııa etti. ıAǵnı, osy úılerdiń jartysy ustazdarǵa, jartysy aq halatty abzal jandarǵa beriledi. Baspanany bólip tóleý quny qansha? Úıge qol jetkizýdiń talaptary qandaı? Alǵashqy páterler qashan berile bastaıdy? Taqyrypty tereńirek taldap kórelik.

Páter kezeginde 15 myń dáriger, 10 myń muǵalim tur

Densaýlyq saqtaý mınıstri Eljan Birtanovtyń aıtýynsha, búginde 15 myń medıtsına qyzmetkeri baspanaǵa zárý. Taǵy 10 myń muǵalimniń úıge qol jetkize almaı júrgenin Bilim jáne ǵylym mınıstrliginiń jaýapty hatshysy Aryn Orsarıev te aıtyp otyr. 3 myń páter osy 25 myńdyq qajettilikti jaba qoımas. Dese de...

«Qazirgi tańda Qazaqstanda 400 myńǵa tarta medıtsınalyq qyzmetker eńbek etedi. Olardyń ishinde 170 myń meıirbıke men 60 myń dáriger bar. Álbette, osy baspana tapshylyǵy máselesiniń bary belgili. Qazaqstan ıpotekalyq kompanııasymen memorandýmǵa qol qoıý - biz úshin qýanyshty jaǵdaı. Meniń oıymsha, osy sharalar arqyly dáriger men meıirbıkelerdiń áleýmettik jaǵdaıy kóteriledi. Bul tikeleı medıtsınalyq qyzmettiń sapasyn arttyrýǵa septigin tıgizedi», - deıdi Eljan Birtanov.

Óz kezeginde Aryn Orsarıev kompanııa men mınıstrlikterdiń arasyndaǵy jumys mehanızmi qalaı jasalatynyn aıtyp ótti.

«Qazaqstan ıpotekalyq kompanııasy (QIK) Bilim jáne ǵylym mınıstrligine qansha páterdiń bary týraly habarlama jiberedi. Ol habarlamada páterdiń sharshy metri, qabaty, baǵasy bári kórsetiledi. BǴM kezektegi adamdarǵa ótinish hat jiberedi. QIK qatysýshylarmen jalǵa alý shartyn jasaıdy. Osy shart 240 aıǵa arnalǵan. Bir jolǵy tólem - 1 paıyz», - dedi ol.

Baǵdarlamanyń artyqshylyǵy nede?

Baǵdarlamany qarjylandyrýǵa «QIK» IU» AQ-nyń shamamen 40 mlrd teńge menshikti qarajaty men naryqtyq talaptarǵa sáıkes, qaryzǵa alynǵan qarajat jumsalatyn bolady. Kompanııanyń basqarma tóraǵasy Ádil Muhamedjanovtyń aıtýynsha, qatysýshylar úshin jalǵa beriletin turǵyn úıdi ótkizý talaptary mynadaı https://www.archive.inform.kz/qz/mugalimder-men-darigerlerge-bastapky-zharnasyz-pater-berilmek_a3534386: turǵyn úıdi jaldaý merzimi 20 jyl. Baspana bastapqy jarnasyz beriledi. Turǵyn úıdi kez kelgen ýaqytta jáne aıyppul sanktsııalaryn qoldanýsyz merziminen buryn satyp alý múmkindigi bar. Kiris jetkiliksiz bolǵan jaǵdaıda kepilgerlerdi tartý múmkindigi de qarastyrylǵan. Bul rette baǵdarlama boıynsha jalgerlik tólemniń ortasha aılyq quny respýblıka boıynsha ortasha baǵadan tómen bolmaq.

Turǵyn úı alýǵa úmitkerler tizimin tikeleı mınıstrlikter quratyn bolady. Óz kezeginde «QIK» IU» AQ berilgen qyzmetkerlerdiń tólem qabilettiligin tekserip, baǵalaý qorytyndysy boıynsha ótinimderi maquldanǵan úmitkerlermen uzaq merzimdi jaldaý shartyn bekitedi.

Baspana alýdyń basty talaptary

Aryn Orsarıev bilim salasynyń qandaı qyzmetkerleri atalmysh baǵdarlama boıynsha úı ala alatynyn aıtyp berdi.

«Jalpy baǵdarlamaǵa qatysýǵa kimniń quqyǵy bar? Mınıstrliktiń jáne vedomstvonyń baǵynysty uıymdarynyń qyzmetkerleri kezek tártibi boıynsha ala alady. Sońǵy bes jylda olardyń atynda turǵyn úı bolmaýy kerek. Sondaı-aq, tólem qabileti rastalýy tıis. ıAǵnı, kiris týraly anyqtama alyp kelýi qajet. Keıin satyp alý quqyǵymen turǵyn úı beriledi», - deıdi ol.

BǴM jaýapty hatshysy shamamen bul úılerdiń qansha turatynyn da eseptep berýge tyrysty.

«Sharshy metrin 260 myń teńge dep eseptesek, 50 sharshy metrlik úı shamamen 13 mıllıon teńge turady. Eger jalǵa berý merzimi 20 jyl bolsa, aı saıynǵy tólem shamamen 60-70 myń teńge bolmaq. Eger biz kelisimshartty 15 jylǵa jasar bolsaq, aıyna 80-90 myń teńgege aınalady», - deıdi Aryn Orsarıev.

Densaýlyq saqtaý mınıstri Eljan Birtanov bolsa eń aldymen muqtaj otbasylarǵa mańyz beriletinin atap ótti. https://www.archive.inform.kz/qz/lauazymyna-basymdyk-berilmeydi-birtanov-darigerlerge-beriletin-pater-zhayly_a3534462

«Jalǵa beriletin páterdi medıtsınalyq saladaǵy barlyq maman ıesi ala alady. Dárigerlerden bólek, medbıkeler, aýrýhanalarda eńbek etetin mamandar, ıaǵnı esepshiler men ınjenerlerdiń de ótinim berý quqyǵy bar. ıAǵnı, laýazymy boıynsha eshkimge eshqandaı basymdyq berilmeıdi. Osyǵan deıin aıtylǵandaı, ótinim bergen medıtsınalyq qyzmetkerdiń jáne onyń otbasy múshesinde atynda úı bolmaýy kerek. Qysqasha aıtqanda, baspanaǵa barynsha muqtaj qyzmetkerlerge mańyz beriledi», - dedi Eljan Birtanov.

Kelisimge keldik! Úıdi qashan alamyz?

«Memorandýmǵa búgin ǵana qol qoıyldy. Mınıstrlikter endigi kezekte bir-eki aptanyń ishinde tizimin berýi tıis (kezekte turǵandardardyń). Osydan keıin biz kezekte turǵan muǵalimder men dárigerlerdiń tólem qabilettiligin tekseremiz. Kerekti qujattar bar ma, joq pa - anyqtamalardyń bári zerdelengennen keıin osy jumysty bastaımyz», - dedi «Qazaqstan ıpotekalyq kompanııasy» IU» AQ atqarýshy dırektory Maqsat Meńdibaev.

Onyń sózine qaraǵanda, eki mınıstrlik kezekte turǵandardyń tizimin daıyndap jatyr. Ol tizimde Qazaqstannyń barlyq aımaqtarynda páter kezeginde turǵan azamattar bar.

Al «QIK» IU» AQ Basqarma tóraǵasy Ádil Muhamedjanovtyń sózine súıensek, aldaǵy 2-3 aıda páterler berile bastaıdy.

«Muǵalimder men dárigerlerdiń qandaı páter alǵysy keletinine baılanysty tólem qabilettiligi pysyqtalady. Ortasha eseppen Nur-Sultan nemese Almaty qalasy týraly aıtar bolsaq, aılyq tólem shamamen 55 myń teńge bolady. Tıisinshe, bul tólemdi aı saıyn júrgizip turý úshin otbasynyń kirisine qaraımyz. ıAǵnı, kúnkóris mınımýmy men otbasynyń nesıesi bar ma, joq pa - tekseriledi. Osynyń bári zerdelengennen keıin jaǵdaıy baryn bilsek - biz kelisimshart jasasamyz. Onyń ústine kepilgerlerdi tartý múmkindikterin de qarastyryp otyrǵanymyzdy aıttyq. Demek, otbasynyń kirisi jetpeı jatsa, kepilgerlerdi tartyp, baspana ala alady», - dedi ol.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT