Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Moldovada mınıstrlikterdiń teń jartysy qysqartylady

2017 jylǵy 10 mamyr 19:11 669
Bólisińiz:
Moldovada mınıstrlikterdiń teń jartysy qysqartylady

ASTANA. QazAqparat - Moldova úkimetine qarasty mınıstrlikter sany ońtaılandyrý maqsatynda 16-dan 9-ǵa qysqarady, dep habarlaıdy TASS.

Moldova demokratııalyq partııasynyń (MDP) tóraǵasy Vladımır Plahotnıýk: «Bul reforma úkimettiń tıimdiligin arttyryp, bıýrokratııa men jemqorlyq deńgeıin tómendetedi», - dep málimdedi.

Sondaı-aq, ol premer-mınıstrden, MDP tóraǵasynyń orynbasary Pavel Fılıpten bul reformany taıaý arada engizýdi talap etti.

Atap aıtar bolsaq, ekonomıka jáne ınfraqúrylym mınıstrligi qurylyp, onyń quramyna tórt mınıstrlik: ekonomıka, óńirlik damý jáne qurylys, kólik jáne jol ınfraqurylymy, aqparat jáne baılanys, sondaı-aq birqatar memlekettik agenttikter kiredi.

Sondaı-aq, densaýlyq saqtaý jáne áleýmettik ister mınıstrligi birigip, oǵan aǵartý, mádenıet, sondaı-aq jastar jáne sport mınıstrligi kiredi.

Aýyl sharýashylyǵy mınıstrligi men ekologııa mınıstrligin biriktirý josparlanýda.

Reformanyń tujyrymdamasyna sáıkes, vıtse-premerler sany tórteýden úsheýge qysqarady. Syrtqy ister men eýropalyq ıntegratsııa, qorǵanys, ishki ister, ádilet jáne qarjy mınıstrlikteri ózgerissiz qalady. 

 

 

Bizdiń kanalymyzǵa jazylyńyz:

Basty sózder: Moldova,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT