Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 376.51 EUR 418.91
RUB 6.13 CNY 54.90
Jańalyqtar

Mınıstrlik JOO-larǵa oqý aqysyn ósirý týraly tapsyrma bergen joq - BǴM

2019 jylǵy 7 shilde 22:17 819
Bólisińiz:
Mınıstrlik JOO-larǵa oqý aqysyn ósirý týraly tapsyrma bergen joq - BǴM

NUR-SULTAN. QazAqparat - Bilim jáne ǵylym mınıstriniń keńesshisi Erbolat Muhamedjan mınıstrliktiń JOO aqysyn ósirý týraly tapsyrma bergeni týraly aqparatty joqqa shyǵardy, dep habarlaıdy QazAqparat.

Bul jaıynda BǴM keńesshisi Facebook paraqshasynda jazdy.

«Sońǵy kúnderi áleýmettik jelide bilim salasyna qatysty birneshe jalǵan aqparat taralyp jatyr. Tipti, qısynǵa kelmeıdi. Keıbir azamattardyń pikirinshe, QR Bilim jáne ǵylym mınıstrligi oqý aqysyn 20%-ǵa kóterińder degen tapsyrma beripti. Ashyǵyn aıtaıyn, bul oıdan shyǵarylǵan ótirik aqparat. Mınıstrliktiń ondaı jospary joq. Negizsiz jáne faktisiz aqparattardan abaı bolýlaryńyzdy suraımyn», - dep jazady Erbolat Muhamedjan.

Onyń sózinshe, elimizde 131 JOO bar, sonyń kóbi - jekemenshik, al olar naryqtyń yńǵaıyna qaraı jumys isteıdi. Mınıstrlik naryq zańdylyǵyna aralasa almaıdy.

«Aqyly oqýdan bólek granttar da bar ekenin aıtqym keledi. Granttardyń sany ótken jyly 20 myńǵa kóbeıse, bıyl taǵy Prezıdenttiń tapsyrmasyna saı 5 myńǵa kóbeıdi.Jalpy aqparat úshin aıta keteıin, Qazaqstandaǵy JOO-nyń ortasha quny - 350-420 myń teńge. Birazynda osy jylǵy oqý aqysy, kerisinshe, arzandady. Mysaly, QarMÝ-da oqý quny 7000 teńgege azaısa, Almaty menedjment ýnıversıteti oqý aqysyn 7%-ke tómendetýge nıetti», - deıdi BǴM ókili.

Dese de, keıbir JOO oqý aqysyn shamamen 4-8%-ǵa ósirdi. Ol stýdent pen ýnıversıtet arasyndaǵy kelisimniń normalaryna sáıkes.

Erbolat Muhamedjannyń jazýynsha, kóptegen JOO-lar oqý aqysyn ózgerissiz qaldyrdy. Mysaly, Sátbaev ýnıversıteti, PMÝ, Q.Jubanov atyndaǵy AÓMÝ, Ó.A. Baıqońyrov atyndaǵy Jezqazǵan ýnıversıteti, ETÝ, Shákárim atyndaǵy SMÝ, Almaty energetıka jáne baılanys ýnıversıteti, Turan-Astana, Sh.Ýálıhanov atyndaǵy KMÝ, Qaraǵandy ekonomıkalyq ýnıversıteti, Áýezov atyndaǵy OQMÝ, Qorqyt Ata atyndaǵy QMÝ, H.Dosmuhamedov atyndaǵy AMÝ, Q.Amanjolov atyndaǵy ShQMÝ, Halyqaralyq aqparattyq tehnologııalar ýnıversıteti - IITU, Semeı qalalyq medıtsına ýnıversıteti, QazUAÝ jáne taǵy basqalar.

 

 

 

Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT