Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Mınıstrlik Qazaqstandaǵy kıik sanyn atady

2019 jylǵy 19 maýsym 16:08 1508
Bólisińiz:
Mınıstrlik Qazaqstandaǵy kıik sanyn atady

NUR-SULTAN. QazAqparat - Qazaqstanda kıik sany 334 myńǵa jetti. Bul týraly búgin Senattaǵy «Qazaqstandaǵy bıologııalyq alýantúrliliktiń saqtalýyn zańnamalyq qamtamasyz etýdiń ózekti máseleleri» atty Úkimet saǵatynda QR Ekologııa, geologııa jáne tabıǵı resýrstar vıtse-mınıstri Erlan Nysanbaev aıtty, dep habarlaıdy QazAqparat tilshisi.

«Qorǵaýdyń eń mańyzy nysandarynyń biri kıikter bolyp otyr. Bul jabaıy dala bókeniniń biregeı túri sanalady. Búgingi kúni Qazaqstan Respýblıkasynyń aýmaǵynda kıikterdiń álemdik popýlıatsııasynyń 95 paıyzy tirshilik etedi. 2019 jylǵy júrgizilgen esepteý qorytyndysyna sáıkes, olardyń sany 334 myńdy qurady», - dedi Erlan Nysanbaev.

Onyń aıtýynsha, 2015 jyly kıikter jappaı qyrylǵannan keıin  janýarlardyń ólimine ne sebep bolǵandyǵyn anyqtaý jónindegi arnaıy jumys toby qurylǵan.

«Jumys qorytyndysy boıynsha kıik tuqymynyń aýrýdan jappaı qyrylýyna jol bermeý jóninde is-sharalar jospary qabyldanyp, múddeli memlekettik organdarmen kelisildi. Odan keıin ol Bilim jáne ǵylym mınıstrligi Ǵylym jónindegi komıtetiniń qaraýyna jiberildi. Taıaý ýaqytta biz Qarjy mınıstrligine atalǵan jospardy qarjylandyrý úshin usynys jiberetin bolamyz»,-  dedi vıtse-mınıstr. 

Aıta keteıik, 2018 jyly elimizdegi kıikterdiń sany 215 100 bolǵan edi.

 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT