Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Memleket basshysy DSU bas dırektorymen kezdesti

2018 jylǵy 27 qyrkúıek 13:35 950
Bólisińiz:
Memleket basshysy DSU bas dırektorymen kezdesti

ASTANA. QazAqparat - Kezdesýde taraptar álemdegi qalyptasqan jaǵdaıǵa baılanysty saýda-ekonomıkalyq yntymaqtastyqty damytýǵa qatysty pikir almasty, sondaı-aq 2020 jyly Astanada ótetin Dúnıejúzilik saýda uıymynyń HІІ Mınıstrler konferentsııasyna daıyndyq barysyn talqylady, dep habarlaıdy QazAqparat Aqordanyń resmı saıtyna silteme jasap.   

- Sizben Astanada qaıta júzdeskenime qýanyshtymyn. Qazaqstan Dúnıejúzilik saýda uıymyna múshe bolar kezde elimizge úlken qoldaý bildirgenińizdi bilemiz. Búginde bizdiń el - uıymnyń belsendi múshesi. 2020 jyly Astanada konferentsııa ótkizý jóninde sheshim qabyldandy. Biz osy sharany tıisti deńgeıde ótkizý úshin kúsh jumyldyramyz, - dedi Qazaqstan Prezıdenti.

Nursultan Nazarbaev Dúnıejúzilik saýda uıymynyń elder arasyndaǵy saýda-ekonomıkalyq qarym-qatynasty nyǵaıtýdy jáne keńeıtýdi kózdeıtin basty qaǵıdattaryn Qazaqstannyń tolyq qoldaıtynyn atap ótti.

Robertý Azevedý Nursultan Nazarbaevqa qonaqjaılyq tanytqany jáne Qazaqstan men Dúnıejúzilik saýda uıymynyń aldaǵy yntymaqtastyǵyna arnalǵan máselelerdi talqylaýǵa múmkindik bergeni úshin alǵys bildirdi.

- Jenevadaǵy sońǵy kezdesýimizden keıin Qazaqstan men Dúnıejúzilik saýda uıymy arasyndaǵy yntymaqtastyqtyń tereńdegenin nyq senimmen aıta alamyz. Sizdiń elińiz kópjaqty saýda júıesin damytý qaǵıdattaryn árdaıym berik ustanyp keledi. Biz Qazaqstannyń 2020 jyly Mınıstrler konferentsııasyn ótkizýge kelisim bergenine qýanyshtymyz. Bul búgingi álemde bolyp jatqan oqıǵalarǵa oraı erekshe mańyzǵa ıe bolyp otyr, - dedi Dúnıejúzilik saýda uıymynyń bas dırektory.

Sondaı-aq, R.Azevedý jetekshi derjavalar arasyndaǵy saýda-ekonomıkalyq shıelenistiń basqa elderge tıgizetin saldaryna toqtaldy. 

 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT