Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Memleket basshysy: Dombyra árbir qazaqtyń rýhyn kókke kóteretin qundy qazynamyz bola berýi tıis

2019 jylǵy 7 shilde 12:23 1329
Bólisińiz:
Memleket basshysy: Dombyra árbir qazaqtyń rýhyn kókke kóteretin qundy qazynamyz bola berýi tıis

 NUR-SULTAN. QazAqparat - Dombyra árbir qazaqtyń rýhyn  kókke kóteretin qundy qazynamyz bola berýi tıis. Bul týraly búgin  Ulttyq Dombyra kúnine arnalǵan merekelik  kontsertte  Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

"Qurmetti otandastar! qurmetti qaýym! Eń aldymen barshańyzdy úlken, biregeı merekemen, Ulttyq Dombyra kúnimen shyn júrekten quttyqtaımyn. Bul meıramdy ulttyq rýhanııatqa degen  zor qurmet, barshamyzǵa  ortaq qundylyqty ulyqtaý dep túsinýimiz kerek. Tarıhta halqymyzdyń óz salty men dástúrinen alshaqtap, ajyrap qalǵan sátteri bolǵany  jasyryn emes. Alaıda Elbasymyz Nursultan Ábishuly Nazarbaevtyń kóregen bastamasynyń arqasynda búginde halqymyzdyń dástúrli ónerge degen shynaıy yqlasy artyp keledi", - dedi Qazaqstan Prezıdenti.

Memleket basshysy Ulttyq Dombyra kúni sonyń aıǵaǵy ekendigin basa aıtty.

"Búkil halqymyz osy shýaqty merekeni aıryqsha qýanyshpen toılaıdy. Sebebi qazaq pen dombyra egiz uǵym. Aqyn Qadyr aǵamyz qasıetti dombyramyzdy "naǵyz qazaq" dep jyrlaǵan. Kúmbirlegen dombyranyń úni batyrlarymyzǵa rýh, aqyndarymyzǵa shabyt bergen. Dombyra árbir qazaqtyń rýhyn  kókke kóteretin qundy qazynamyz bola berýi tıis",- dedi Qasym-Jomart Toqaev.

 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT