Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Mańǵystaýda zańsyz jer bergen ákimder jazalanady

2019 jylǵy 10 aqpan 00:04 1464
Bólisińiz:
Mańǵystaýda zańsyz jer bergen ákimder jazalanady

AQTAÝ. QazAqparat - Mańǵystaý oblysynda aýdan jáne aýyl  ákimdikteriniń jer ýchaskelerin berý kezinde birqatar zań buzýshylyqtarǵa jol bergeni anyqtaldy, dep habarlaıdy QazAqparat tilshisi.

Bul másele Mańǵystaý oblysy ákiminiń orynbasary Rýslan Sákeevtiń  tóraǵalyǵymen ótken jıynda qaraldy.

Atap aıtqanda, Jańaózen qalasynyń ákimdigi 2016 jyly aýktsıonsyz 18 jer ýchaskesin úlestirgen. Beıneý ákimdigi 2017 jyly - 31, Quryq aýylynyń ákimdigi - 3, Túpqaraǵan aýdanyndaǵy Aqshuqyr jáne Saıyn Shapaǵatov aýyldarynyń jáne Fort-Shevchenko qalasynyń ákimdikteri 2016 jáne 2017 jyldar aralyǵynda 295 jer telimin zańsyz taratqan.

QR Jer kodeksiniń 48-baby 1-tarmaǵyna sáıkes, memlekettik menshiktegi jáne paıdalanýǵa berilmegen jer ýchaskelerine quqyqty berý saýda-sattyq arqyly (konkýrsta, aýktsıonda) júzege asyrylady.

Alaıda, atalǵan talaptar óreskel buzylyp, ákimdikter jer ýchaskelerin aýktsıonsyz tabystap kelgen.

«Sondaı-aq qala ákimdiginiń qyzmetinde jer komıssııasynyń jaramsyz qorytyndylarynyń negizinde kem degende 6 qaýly shyǵarylǵandyǵy anyqtaldy. 2018 jyldyń 4 mamyrynda QR Jer kodeksinde tıisti ózgerister engizilgen bolatyn. ıAǵnı, jerge qatysty oń qorytyndy 1 jylǵa ǵana jaramdy ekendigi bekitilgen bolatyn. Іsterdi irikteý, tekserý kezinde jergilikti atqarýshy organ Jer kodeksinde bekitilgen rásimderdi ótkizý merzimderin jappaı buzyp kelgeni anyqtaldy. Bul - satyp alý, satý sharttarynyń ýaqytyly jasalmaýy, bas tartý sıpatyndaǵy sheshimderdiń ýaqytyly shyǵarylmaýy jáne  taǵy da basqa zań buzýshylyqtar»,- deıdi  Mańǵystaý oblystyq prokýratýrasynyń basqarma prokýrory Faızýlla Jańabaev.

Nátıjesinde basqarma sot organdaryna talap-aryzdar berdi. Qazirgi tańda ákimdikter zańsyz úlestirgen jer ýchaskeleri memleket menshigine qaıtarylýda.

Máselen, Mańǵystaý aýdanynyń ákimdigi sharýa nemese fermer qojalyǵyn, taýarly aýylsharýashylyq óndirisin júrgizý úshin jaldaý quqyǵymen 37 jer telimin zańsyz bergen. ıAǵnı, konkýrsty ótkizý tártibi saqtalmaǵan.

Sonymen qatar, Munaıly aýdanynyń ákimdikteri jer ýchaskelerin tabystaý týraly sheshimderdi qabyldaý kezinde zańbuzýshylyqtarǵa jol bergen. Atap aıtqanda, bas josparlardyń saqtalýy qamtamasyz etilmegen.

Qazirgi ýaqytta, jalpy aýmaǵy 1,53 ga quraıtyn 10 sheshimniń kúshi joıylyp, jer ýchaskeleri memleket menshigine qaıtaryldy. Zańsyz qabyldanǵan sheshimderdiń kúshin joıý jumystary júrgizilýde.

«Ózindik qosalqy sharýashylyq júrgizý úshin jer ýchaskelerin berý kezinde  zań buzýshylyqtarǵa jol bergen Munaıly, Mańǵystaý aýdandarynyń sáýlet jáne qala qurylysy salasyna jaýapty ákim orynbasarlaryn, aýyl ákimderin jaýapkershilikke tartý jóninde jáne qyzmetinen bosatý týraly máseleni kóterip, qoldanylǵan sharalar boıynsha maǵan 20 aqpanǵa deıin aqparat berýdi tapsyramyn»,-dedi  Mańǵystaý oblysy ákiminiń orynbasary Rýslan Sákeev.

Otyrys nátıjesi boıynsha, jiberligen kemshilikter úshin, Munaıly jáne Mańǵystaý aýdandarynyń jer salasyna jaýapty aýdan ákimderi orynbasarlarynyń qyzmetine sáıkestigin anyqtaý jóninde aýdandar ákimine usynys engizildi. 

 

 

Bizdiń kanalymyzǵa jazylyńyz:

Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT