Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Mańǵystaýda teńizge munaı tógilýine jol bergen kompanııaǵa shara qoldanyldy

2019 jylǵy 20 sáýir 00:33 1446
Bólisińiz:
Mańǵystaýda teńizge munaı tógilýine jol bergen kompanııaǵa shara qoldanyldy

NUR-SULTAN. QazAqparat - Mańǵystaý oblysynda teńiz betine munaı ónimderiniń tógilýine sebepker «West Commerce Trade» JShS-ǵa qatysty ákimshilik hattama toltyryldy, dep habarlaıdy QazAqparat tilshisi Energetıka mınıstrliginiń baspasóz qyzmetine silteme jasap.

2019 jyldyń 9 sáýirinde Mańǵystaý oblysy boıynsha Ekologııa departamentine «Aqtaý halyqaralyq saýda porty» UK» AQ-tan Baýtıno júk aýmaǵyndaǵy porttyń mańynda maıly daqtardyń tabylǵany týraly aqparat kelip túsken.

«Zerthanalyq-analıtıkalyq baqylaý mamandary «Qazgıdromet» RMK-men birge sýdyń synamasyn zerttedi. Atalmysh fakt boıynsha Mańǵystaý oblysy boıynsha Ekologııa departamenti «West Commerce Trade» JShS-ǵa qatysty jospardan tys tekserý jumystaryn júrgizdi. Onyń nátıjesi boıynsha, batyp ketken qaıyqty jaǵaǵa shyǵarý kezinde jalpy 40 sharshy metr aýmaqqa munaı ónimderiniń jaıylǵany anyqtalǵan. Sýdyń synamasyn taldaý jumystarynyń nátıjesine sáıkes, shekti kontsentratsııa mys boıynsha 149 mg/l-ǵa, al munaı ónimderiniń - 0,158 mg/l-ǵa artqany anyqtalǵan», - delingen mınıstrliktiń habarlamasynda.

Ekologııalyq zańnamany buzǵany úshin «West Commerce Trade» JShS QR Ákimshilik quqyqbuzýshylyq týraly kodekstiń 324 jáne 327-babyna sáıkes, ákimshilik jaýapkershilikke tartyldy. Qazirgi ýaqytta departament qorshaǵan ortaǵa keltirilgen zııandy óteý boıynsha esep júrgizýde.

«Munaı ónimderimen lastanǵan aýmaq tazartyldy. Atalmysh másele Mańǵystaý oblysy boıynsha Ekologııa departamenti baqylaýynda», - dep habarlaıdy Energetıka mınıstrliginen.

 

 

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT