Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

M.Qul-Muhammed: EAEO jáne DSU Qazaqstan zaýyttary úshin eksporttyq múmkindikterdi ashady

2016 jylǵy 9 maýsym 01:54 896
Bólisińiz:
M.Qul-Muhammed: EAEO jáne DSU Qazaqstan zaýyttary úshin eksporttyq múmkindikterdi ashady

ASTANA. QazAqparat - «Nur Otan» partııasy Tóraǵasynyń birinshi orynbasary Muhtar Qul-Muhammedtiń Aqtóbe oblysyna jumys sapary aıaqtaldy.

Onyń qorytyndy bóliminde Muhtar Qul-Muhammed «Nurly jol» jáne ındýstrıaldyq-ınnovatsııalyq baǵdarlamalar aıasyndaǵy jobalardyń júzege asyrylý barysymen tanysty, dep habarlady partııanyń baspasóz qyzmeti.

Atap ótilgendeı, 1 qyrkúıekte Aqtóbe qalasynda 320 oryndyq jańa mektep ashylady. Atalǵan bilim ordasy «Nurly jol» prezıdenttik baǵdarlamasy boıynsha salynýda. Bul baǵdarlama aıasynda 5000 shaqyrymdyq avtokólik joldary men 2500 shaqyrym temir jol magıstralin salýdan bólek, áleýmettik salany da jańǵyrtý qarastyrylǵan.

Muhtar Qul-Muhammed ınfraqurylymdy damýdyń keń aýqymdy baǵdarlamalaryn júzege asyrý sapasyn «Nur Otan» partııasy aıryqsha qadaǵalaıtynyn atap ótti.

«Biz ár teńgeniń tıimdi ári halyqtyń ıgiligine jumsalǵanyn jiti baqylaıtyn bolamyz», - dedi «Nur Otan» partııasy Tóraǵasynyń birinshi orynbasary.

«Nurly jol» baǵdarlamasy Qazaqstannyń ındýstrıaldyq-ınnovatsııalyq sektoryna da oń áserin tıgizýde. Mysaly, Aqtóbede zamanaýı relsarqalyq zaýyty iske qosyldy. Onyń barlyq ónimi jańa temir joldar qurylysyna paıdalanylýda.

Kásiporyn dırektory Andreı Kýzmın Muhtar Qul-Muhammedke jańa joba boıynsha 750 adamnyń jumyspen qamtylǵanyn aıtyp berdi. Bıyl 100 myń tonna ónim óndirilmek. Zaýyttyń jobalyq qýaty budan tórt esege kóp ekenin atap ótken jón.

Zaýyttyń eńbek ujymymen kezdesý barysynda Muhtar Qul-Muhammed jańa óndiristik alpaýyttyń tek ishki naryqty ǵana esepke almaı, eksportty da maqsat tutý kerektigine nazar aýdardy.

«Biz úshin Eýrazııalyq Ekonomıkalyq Odaqqa jol ashyq. Sondaı-aq, biz DSU-ǵa múshemiz. Bul elimizdegi Aqtóbe relsarqalyq zaýyty syndy kásiporyndarǵa asa zor múmkindik beredi», - dedi «Nur Otan» partııasy Tóraǵasynyń birinshi orynbasary.

 

 

 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT