Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Laýazymyna basymdyq berilmeıdi - Birtanov dárigerlerge beriletin páter jaıly

2019 jylǵy 5 maýsym 16:00 1188
Bólisińiz:
Laýazymyna basymdyq berilmeıdi - Birtanov dárigerlerge beriletin páter jaıly

NUR-SULTAN. QazAqparat - Bastapqy jarnasyz beriletin baspanaǵa medıtsına qyzmetkerleriniń qaı sanaty qol jetkize alady? Bul suraqqa QR Densaýlyq saqtaý mınıstri Eljan Birtanov jaýap berdi, dep habarlaıdy QazAqparat tilshisi.

Eske sala ketsek, búgin elordada Qazaqstan ıpotekalyq kompanııasy men QR DSM, QR BǴM arasynda «Nurly jer» baǵdarlamasy boıynsha satyp alý quqyǵymen turǵyn úılerdi jalǵa berý týraly kelisimderge qol qoıylǵan bolatyn. Atalǵan kelisimder 3 myń muǵalim men dárigerdi úımen qamtýdy kózdeıdi.

«QIK» IU» AQ Basqarma tóraǵasy Ádil Muhamedjanovtyń aıtýynsha, páterler aldaǵy 2-3 aıda berile bastaıdy.

«Jalǵa beriletin páterdi medıtsınalyq saladaǵy barlyq maman ıesi ala alady. Dárigerlerden bólek, medbıkeler, aýrýhanalarda eńbek etetin mamandar, ıaǵnı esepshiler men ınjenerlerdiń de ótinim berý quqyǵy bar. ıAǵnı, laýazymy boıynsha eshkimge eshqandaı basymdyq eshkimge berilmeıdi. Osyǵan deıin aıtylǵandaı, ótinim bergen medıtsınalyq qyzmetkerdiń jáne onyń otbasy múshesinde atynda úı bolmaýy kerek. Qysqasha aıtqanda, baspanaǵa barynsha muqtaj qyzmetkerlerge mańyz beriledi», - dedi Eljan Birtanov OKQ-da ótken baspassóz máslıhatynda.

Mınıstrdiń aıtýynsha, medıtsına salasynda ótili men tájirıbesine baılanysty qyzmetkerlerdiń aılyqtarynyń mólsheri ártúrli.

«Qazirgi kúni bizde mysaly dárigerdi alsaq, onyń eń tómengi jalaqysy - Úkimet qaýlysy boıynsha 78-80 myń teńgeniń mańaıynda. Biraq, osy 1 maýsymnan bastap olardyń aılyǵyna 30 paıyz qosylady. Bizdiń medıtsına qyzmetkerleriniń ortasha jalaqysy - 140-142 myń teńge bolsa, 1 maýsymnan keıin 30 paıyz qosylyp, ol 190 myń teńgege jetedi. Árıne, kútip otyrǵan otbasylardy úımen qamtýǵa tyrysamyz. Olardyń tájirıbesi mol bolǵandyqtan olarda múmkindik bar degen oıdamyz», - dedi ol.

 

 

 

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT