Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Qyzylordada «Jastar-bolashaq energııasy!» atty oblystyq eriktiler sleti ótti

2017 jylǵy 4 qazan 15:29 10787
Bólisińiz:
Qyzylordada «Jastar-bolashaq energııasy!» atty oblystyq eriktiler sleti ótti

QYZYLORDA. QazAqparat - Qyzylorda oblysynyń jastar saıasaty máseleleri basqarmasynyń qoldaýymen oblystyq «Jas Otan» jastar qanatynyń uıymdastyrǵan «Jastar-bolashaq energııasy» atty oblystyq eriktiler sleti ótkizildi, dep habarlady QazAqparat tilshisi.

Eki kúnge sozylǵan slet oblystyq «Jas Otan» jastar qanatynyń janynan qurylǵan «EKSPO-2017» eriktiler tobyn ulyqtaý maqsatynda uıymdastyryldy. 

Qyzylordada «Jastar-bolashaq energııasy!» atty oblystyq eriktiler sleti ótti 

Eske sala ketsek, Qyzylorda oblysynyń «EKSPO-2017» eriktiler toby 2014 jyly qurylyp tabysty qyzmet atqaryp keledi. Eriktilerimiz Astana qalasynda ótken EKSPO halyqaralyq mamandandyrylǵan kórmede tamyz aıynyń 4 men qyrkúıek aıynyń 10 kúnge deıin eriktilik qyzmetterin atqarǵan bolatyn. Oblystan attanǵan 100 erikti abyroıly qyzmet atqaryp, arasynda 7 tımlıder shyqty. Solardyń biri Ibragım Raýan respýblıkalyq eriktiler forýmynda «Úzdik erikti» nomınatsııasymen marapattalǵan bolatyn. Astana qalasynda ótken eriktiler arasyndaǵy fýtboldan týrnırde, Syrdyń eriktileri 2 oryn ıemdendi. Eriktiler «EKSPO-2017» kórmesiniń ótý barysynda tegin qyzmet atqardy. Elbasy N.Á. Nazarbaevtyń «Bolashaqqa baǵdar: Rýhanı jańǵyrý» atty baǵdarlamalyq maqalasynda atalǵandaı eriktilerimizdiń qyzmeti «Týǵan jerge» degen súıispenshilikpen otanshyldyqtyń beınesi ispettes.
Aıta keterligi, Elbasy «Ult jospary - bes ınstıtýtsıonaldyq reformany júzege asyrý jónindegi 100 naqty qadamynda» bolashaq energııasy taqyrybyna da aıryqsha toqtalyp ótti. Ondaǵy 59-qadamda: moıyndalǵan halyqaralyq energoservıstik sharttar arqyly energııa únemdeý salasyna strategııalyq ınvestorlar tartý máselesin kúntártibine shyǵardy. Olardyń negizgi mindeti: jeke shyǵyndaryn óteı otyryp, energııa únemdeý salasynda keshendi qyzmet kórsetý úshin jekemenshik energııa servıstik kompanııalardy damytýdy yntalandyrý jáne is júzinde energetıkalyq shyǵyndardy únemdeýden qarjylaı paıda tabý jóninde keńinen toqtalǵan bolatyn.
Sondaı-aq slet aıasynda oblystyq Á. Tájibaev atyndaǵy oblystyq ámbebap kitaphanasynda «EKSPO-2017» eriktilerine arnalyp «Qazaqstandaǵy eriktiler qozǵalysy: ótkeni, búgin, bolashaq» jáne «Ekologııalyq oılaý» taqyryptary boıynsha semınar-trenıng ótkizildi. Semınardy eriktiler qyzmetin uıymdastyrýdaǵy bilikti maman, «EKSPO-2017» eriktileri respýblıkalyq shtaby tóraǵasynyń orynbasary Dáýren Joldasbaev ótkizdi. Semınar barysynda Dáýren Joldasbaev eriktiliktiń qoǵamdaǵy mańyzyna ári qoǵamdaǵy máselelerdi sheshýdegi effektıvti joldarynyń biri ekendigin túsindirdi. Ekinshi taqyryp boıynsha tabıǵattyń tazalyǵynda eriktilerdiń qosatyn úlesi zor ekendigine keńinen toqtaldy. Semınar sońynda eriktilerge sertıfıkattar tabystaldy.

Qyzylordada «Jastar-bolashaq energııasy!» atty oblystyq eriktiler sleti ótti
A. Toqmaǵambetov atyndaǵy Qyzylorda qalalyq mádenıet úıinde «Jastar-bolashaq energııasy!» atty oblystyq eriktiler sleti ótkizildi. Sletke Qyzylorda oblysy ákiminiń orynbasary R. Rústemov qatysyp, eriktilerdi quttyqtap ári Qyzylorda oblysynyń ákimi Q.E. Kósherbaevtyń alǵys hattaryn tabystady. Munymen qosa eriktiler baǵaly syılyqtarmen marapattaldy. Slette qyzyqty kontserttik baǵdarlama qoıylyp, Syrdyń jas juldyzdary, atap aıtar bolsaq halyqaralyq «Atameken» baıqaýynyń laýreaty, Araılym Mahambetjanova án shyrqady.
Aıtýly sharada eriktilerde óz ónerlerin ortaǵa saldy, ári eriktiler oblystyq ólketaný murajaıyna «EKSPO-2017» eriktileriniń kıim úlgisin jáne úndeý hatyn tabystady. Slet sońynda eriktiler kóterińki kóńil-kúımen «EKSPO-2017» halyqaralyq kórmesiniń gımnin birge shyrqady.

Qyzylordada «Jastar-bolashaq energııasy!» atty oblystyq eriktiler sleti ótti 

Bizdiń kanalymyzǵa jazylyńyz:

Bólisińiz:

Avtor:

Elýbaı Áýezov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT