Qyzylordada kólik júksalǵyshynan adamnyń máıiti tabyldy

QYZYLORDA. QazAqparat - Qyzylordada kóliktiń júk salǵyshynan turǵynynyń máıiti tabyldy, dep habarlaıdy QazAqparat tilshisi.  

Qyzylordada jantúrshigerlik oqıǵa boldy. Atalǵan fakti boıynsha QR QK 99-baby 1-bóligi «Adam óltirý» áreketi boıynsha sotqa deıingi tergeý jumystary júrgizilip jatyr.

«Bir táýliktiń ishinde jedel-izdestirý is-sharalary barysynda eki kúdikti - 26 jáne 41 jastaǵy oblys ortalyǵynyń turǵyndary ustaldy. Olar Qyzylorda qalasy polıtsııa basqarmasynyń ýaqytsha ustaý oqshaýlaǵyshyna qamaldy», - dep habarlady Qyzylorda oblystyq polıtsııa departamentiniń baspasóz qyzmeti.

Qazaqstan Respýblıkasy Qylmystyq-protsessýaldyq kodeksiniń 201-babyna sáıkes, sotqa deıingi tergeý derekteri jarııa etilmeıdi.