Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Qyzylorda oblystyq prokýratýrasy Ult josparyn qarqyndy júzege asyrýda

2017 jylǵy 6 qazan 04:26 10564
Bólisińiz:
Qyzylorda oblystyq prokýratýrasy Ult josparyn qarqyndy júzege asyrýda

QYZYLORDA. QazAqparat - Qazaqstan Respýblıkasynyń Bas prokýratýrasy «100 naqty qadam» Ult jospary aıasynda «Prokýratýra Qazaqstan halqy úshin» atty ózgerister baǵdarlamasyn júzege asyrý baǵytynda Qyzylorda oblystyq prokýratýrasymen birqatar qarqyndy jumystar júzege asyrýda, dep málimdedi oblys prokýrory Halıdýlla Dáýeshov. Bul týraly QazAqparat tilshisi habarlaıdy.

Olardyń biri qoǵamdyq qaýipsizdikti qamtamasyz etý jáne oblys turǵyndary men ýchaskelik polıtsııa ınspektorlaryn jaqyndastyrý maqsatynda respýblıkamyzda eń alǵashqy bolyp iske qosylǵan - shyny statsıonarlyq polıtsııa beketteri. Bul zamanaýı beketterdi qoıý oblystyq prokýratýra ázirlegen «Polıtsııa halyqqa jaqyn» jobasynyń aıasynda bastaý alǵan bolatyn.

Azamattardy áýre-sarsańǵa salmaı, olarǵa ashyq, jarııaly jáne jedel túrde quqyqtyq qyzmet kórsetý - Qazaqstan Respýblıkasynyń Bas prokýratýrasy atqaryp jatqan maqsatty jumystardyń biri.

Osy oraıda, halyqpen jumys jasaýdaǵy qadamdardyń biri jáne biregeıi bolyp tabylatyn Qyzylorda oblystyq prokýratýrasynda «Azamattardy qabyldaý ortalyǵy» boı kóterse, Qyzylorda qalasy ákimdigi janynan «Halyqqa quqyq qorǵaý qyzmetterin kórsetý ortalyǵy» ashylǵan.

Osy jáne ózge de jumystardyń jandandyrýshysy bolyp tabylatyn jańa formattaǵy Qyzylorda oblystyq prokýratýrasymen taqyrypty beınerolık ázirlenip, qaraýǵa usynylady.

Oblys prokýrory atap ótkendeı, Elbasynyń «Ult jospary - Memleket basshysy Nursultan Nazarbaevtyń bes ınstıtýtsıonaldyq reformany júzege asyrý jónindegi 100 naqty qadam» atty eńbeginiń 28-29-30 qadamdarynda polıtsııa qyzmetiniń aldaǵy baǵyt-baǵdary aıqyn kórsetilgen.

«Polıtsııa qyzmetkerlerin iskerlik qabiletteri negizinde irikteý júıesin jaqsartý, sondaı-aq kásibı daǵdylaryn jáne jeke tulǵalyq qasıetterin tekserý úshin is basyndaǵy polıtsııa qyzmetkerlerin jáne qyzmetkerlikke kandıdattardy testileýdiń arnaıy júıesin engizý máselesi qoıylyp otyr. Munan ózge quqyq qorǵaý organdarynyń qyzmetkerlerin memlekettik qyzmet júıesine qosý men árbir quqyq qorǵaý qyzmetiniń vedomstvolyq erekshelikterine sáıkes biryńǵaı qyzmet etý erejesin engizý» usynyldy.  Tarıhı qujatta sonymen qatar «Jergilikti atqarýshy organdarǵa jáne jergilikti qoǵamdastyqqa esep beretin jergilikti polıtsııa qyzmetin qurý máselesi aıtyldy.  Jergilikti polıtsııa qyzmetiniń ókilettiligi: qoǵamdyq tártipti qorǵaý máseleleri, turmystyq qylmysqa qarsy turý, jol-baqylaý qyzmeti, usaq quqyq buzýshylyqqa atymen tózbeýshilik. Jol-baqylaý polıtsııasynyń qyzmetkerleri polıtsııa qyzmetkerleriniń jumys aýysymy kezinde atqarǵan isiniń barlyǵyn jazyp otyratyn beınetirkegishtermen qamtamasyz etiledi», - delingen osy qujatta.

 

 

Bizdiń kanalymyzǵa jazylyńyz:

Bólisińiz:

Avtor:

Elýbaı Áýezov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT