Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

QR Syrtqy ister mınıstriniń AQSh-qa resmı sapary bastaldy

2019 jylǵy 1 shilde 12:53 942
Bólisińiz:
 QR Syrtqy ister mınıstriniń AQSh-qa resmı sapary bastaldy

VAShINGTON. QazAqparat - Búgin, 1 shildede Qazaqstan Syrtqy ister mınıstri Beıbit Atamqulov Amerıka Qurama Shtattaryna resmı saparmen keldi, dep habarlaıdy QazAqpararat syrtqy saıasat vedomostvosynyń baspasóz qyzmetine silteme jasap.

SІM basshysynyń sapary Qazaqstannyń dıplomatııalyq qyzmeti kúni men AQSh-tyń Táýelsizdik kúni qarsańynda AQSh Memlekettik hatshysy Maık Pompeonyń jeke shaqyrýy boıynsha ótýde.

Aıta keterlik jaıt, bul B. Atamqulovtyń AQSh-qa QR syrtqy saıası vedomstvosynyń basshysy retinde jáne Qasym-Jomart Toqaevtyń Qazaqstan Prezıdenti laýazymyna saılanǵannan bergi alǵashqy sapary. Sapar tujyrymdamasynyń negizine Memleket basshysy Qasym-Jomart Toqaevtyń «Qazaqstannyń syndarly, teńdestirilgen jáne kópvektorly syrtqy saıası baǵytyn jalǵastyrý týraly» ınaýgýratsııalyq sózi barysynda aıtylǵan paıymdaýy boldy.

Óziniń eki kúndik sapary aıasynda B. Atamqulov AQSh Prezıdenti ákimshiligi, Memlekettik departament basshylyǵymen, sondaı-aq isker jáne sarapshylar toptarynyń ókilderimen ekijaqty kezdesýler ótkizedi dep kútilýde. Aldaǵy kelissózder barysynda Qazaqstan-amerıkandyq keńeıtilgen strategııalyq áriptestiktiń ózekti máseleleri talqylanady.

QR Syrtqy saıası kún tártibindegi ekonomıkalyq dıplomatııanyń erekshe rólin eskere otyryp, atalǵan sapar eki el arasyndaǵy iskerlik baılanystardy odan ári damytýǵa baǵyttalǵan. Sońǵy jyldary Qazaqstanǵa AQSh-tan tikeleı ınvestıtsııalar aǵynynyń joǵary serpini baıqalýda. 2017 jylmen salystyrǵanda (3,6 mlrd AQSh dollary) 2018 jyly olardyń kólemi 44,7%-ǵa ósip, 5,3 mlrd AQSh dollaryn qurady (3,6 mlrd AQSh dollar).

AQSh Qazaqstannyń negizgi saýda-ekonomıkalyq seriktesteriniń biri. AQSh-tyń ınnovatsııalar men ozyq tehnologııalar salasyndaǵy kóshbasshylyǵyn eskere otyryp, Qazaqstan úzdik álemdik tájirıbe men bilimdi tartýǵa baǵyttalýda. Osy jáne basqa da naqty máseleler iri amerıkalyq kompanııalardyń ókilderimen aldaǵy kelissózder barysynda talqylanatyn bolady.

AQSh Qazaqstannyń táýelsizdigin moıyndaǵan jáne bizdiń elde óziniń dıplomatııalyq ókildigin ashqan alǵashqy memleketterdiń biri. Táýelsizdik jyldary Qazaqstan men AQSh arasyndaǵy ekijaqty yntymaqtastyq tolyq senim men ózara túsinistik rýhynda damyp keledi.

Tuńǵysh Prezıdent - Elbasynyń 2018 jylǵy qańtardaǵy Vashıngtonǵa resmı saparynyń qorytyndysy boıynsha Nur-Sultan men Vashıngton keńeıtilgen strategııalyq áriptestik deńgeıine qol jetkize aldy. Bul eki memleket basshylarynyń birlesken málimdemesinde bekitilgen.

 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT