Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

QR Premer-Mınıstri Shymkentti damytýǵa qatysty tapsyrmalar berdi

2019 jylǵy 9 shilde 10:18 1864
Bólisińiz:
QR Premer-Mınıstri Shymkentti damytýǵa qatysty tapsyrmalar berdi

NUR-SULTAN. QazAqparat - QR Úkimetiniń otyrysynda  Shymkent qalasyn damytýdyń 2023 jylǵa deıingi keshendi jospary qabyldandy, dep habarlaıdy QazAqparat tilshisi.

«Shymkent qalasy Qazaqstannyń ónerkásiptik, saýda-sattyq jáne mádenı ortalyqtarynyń biri sanalatyny belgili. Qala halqynyń sany bir mıllıonǵa jetken kezde Elbasy Jarlyǵymen Shymkentke respýblıkalyq mańyzy bar qala mártebesi berildi. Osyǵan baılanysty Úkimet pen qala ákimdigine Shymkentti damytý men qurylys salýdyń 2023 jylǵa deıingi keshendi josparyn ázirlep, bekitý tapsyrylǵan bolatyn», - dep eske saldy QR Premer-Mınıstri Asqar Mamın.

Osy arada Úkimet basshysy qalany odan ári damytý maqsatynda birqatar mańyzdy qadamdarǵa toqtaldy.

Birinshiden, ınvestıtsııalyq jáne eksporttyq áleýetti arttyrý qajettigi ataldy. Shymkent qalasyn damytý josparyn júzege asyrý ınvestıtsııalar kólemin  bes jylda 1 trln teńgege deıin jetkizýge múmkindik beredi.

Ekinshiden, kólik jáne ınjenerlik ınfraqurylymdy odan ári damytýǵa qatysty kelesi jyly áýejaıdyń jáne jolaýshylar termınalynyń qurylysy, temirjol vokzalyn jańǵyrtý jumystary aıaqtalýy tıis.

«Turǵyn úı qurylysyn damytýdy jalǵastyrý qajet. Osy rette turǵyn úı qurylysyn halyqaralyq standarttar boıynsha júrgizetin ınvestorlardyń tájirıbesin paıdalaný kerek. Tek «Shymkent Sıtı» jobasyn iske asyrý nátıjesinde 1,5 mln sharshy metr turǵyn úı salynady. Jalpy, keshendi jospar boıynsha turǵyn úı qurylysynyń kólemi kezeń-kezeńmen 500 myń sharshy metrden 1 mln sharshy metrge deıin artyp, baspanamen qamtamasyz etý bir turǵynǵa 30 sharshy metr deńgeıge deıin jetkiziledi. Osyǵan oraıda Ulttyq ekonomıka mınıstrligine «Shymkent Sıtı» arnaıy ekonomıkalyq aımaqty qurý jónindegi usynysyn qarastyrýdy tapsyramyn», - dedi Premer-Mınıstr.

 «TMD basshylarynyń sheshimimen Shymkent qalasy 2020 jyly mádenı astana bolyp jarııalandy. Bul mártebe qalanyń odan ári damýyna serpin beredi. Osy rette qala ákimdigine múddeli memlekettik organdarmen birge tıimdi sharalar josparyn daıyndaýdy júkteımin», - dedi ol.

Jalpy, atalǵan jospardy iske asyrý arqasynda 2023 jylǵa qaraı shahardaǵy JÓÓ-ni 3,5 trln teńgege jetkizýge múmkindigi bolady.

Budan buryn habarlanǵandaı, Shymkent qalasynyń ákimi Ǵabıdolla Ábdirahymov 2023 jylǵa deıin shahardy damytýdyń keshendi josparyn tanystyrdy.

 

 

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT