Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

QR Premer-Mınıstri EO elderiniń elshilerimen kezdesý ótkizdi

2019 jylǵy 1 shilde 20:41 723
Bólisińiz:
QR Premer-Mınıstri EO elderiniń elshilerimen kezdesý ótkizdi

NUR-SULTAN. QazAqparat - Qazaqstan Respýblıkasynyń Premer-Mınıstri Asqar Mamın Eýropalyq Odaqqa múshe elderdiń dıplomatııalyq mıssııa basshylarymen ınvestıtsııalyq yntymaqtastyqty odan ári damytý máseleleri boıynsha kezdesý ótkizdi, dep jazady primeminister.kz saıty.

Taraptar saýda-ekonomıkalyq ózara is-qımyldyń ózekti máseleleri boıynsha pikir almasty. Aýyl sharýashylyǵy ónimderin satý kólemin arttyrý keleshegi talqylandy. Qazaqstandyq ónim eksportyn EO-ta ilgerletýge erekshe kóńil bólindi.

QR Premer-Mınıstri Asqar Mamın Eýropalyq Odaqtyń Qazaqstannyń asa iri saýda jáne ınvestıtsııalyq seriktesteriniń biri ekenin atap aıtty. QR-nyń syrtqy saýda aınalymynyń 40%-dan astamy EO-qa tıesili. 2018 jyly ekijaqty saýda aınalymy 26%-ǵa artty. Búginde Qazaqstanda eýropalyq qatysýmen 4 myńnan astam kompanııa tirkelgen, 2 myńnan artyq birlesken kásiporyndar bar. Táýelsizdik jyldary Qazaqstan ekonomıkasyna barlyǵy $125,1 mlrd eýropalyq  ınvestıtsııa tartylǵan.

«Investıtsııalyq yntymaqtastyqty arttyrý boıynsha jumys isteý qajet», - dedi Asqar Mamın, ındýstrııalandyrý, agroónerkásiptik keshen, tranzıttik-kólik áleýeti, qarjy sektory salalaryndaǵy zor áleýetti atap ótip.

QR Úkimetiniń basshysy elimizde ınvestıtsııalyq ahýaldy jaqsartý boıynsha belsendi jumystar júrgizilip jatqanyn aıtty, jemisti ózara is-qımyldy jalǵastyrýǵa qyzyǵýshylyqty jáne ekonomıkanyń barlyq sektorlarynda saýda-sattyq baılanystaryn damytý boıynsha tyǵyz yntymaqtastyq ornatýǵa ázirlikti jetkizdi.

Óz kezeginde, dıplomatııalyq mıssııalar basshylary Qazaqstanda bıznesti júrgizý úshin qolaıly jaǵdaılar týdyrý boıynsha jumystardyń oń dınamıkasyn atap ótti. QR-daǵy EO Ókildiginiń basshysy Sven-Olov Karlsson elderdiń jolǵa qoıylǵan ekijaqty baılanystary jáne QR Úkimetiniń belsene tartylýy qolda bar áleýetti paıdalaný arqyly ınvestıtsııalyq yntymaqtastyqty nyǵaıtýǵa qosymsha serpin beretinine senim bildirdi.

Talqylaýǵa Germanııa, Frantsııa, Latvııa, Grekııa, Nıderlandy, Avstrııa, Fınlıandııa, Belgııa, Shvetsııa, Polsha, Italııa, Horvatııa elshileri, Ulybrıtanııa, Ispanııa, Lıtva, Majarstan, Bolgarııa, Rýmynııa, Slovakııa, Chehııa, Estonııa ókilderi, iri álemdik kompanııalar basshylary qatysty.  

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT