Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.97 EUR 427.12
RUB 6.04 CNY 54.75
Jańalyqtar

QR IIDM-de jemqorlyqqa qarsy jobalyq keńse ashyldy

2019 jylǵy 12 shilde 17:04 1364
Bólisińiz:
QR IIDM-de jemqorlyqqa qarsy jobalyq keńse ashyldy

NUR-SULTAN. QazAqparat - QR Sybaılas jemqorlyqqa qarsy kúres agenttigimen birlese «Indýstrııa jáne ınfraqurylymdyq damý mınıstrligi - Adaldyq alańy»  birlesken jobasy iske qosyldy, dep habarlaıdy QazAqparat tilshisi.

Jobanyń mıssııasy - sybaılas jemqorlyqtyń aldyn alý, azamattardyń QR Indýstrııa jáne ınfraqurylymdyq damý mınıstrligi men onyń qaramaǵyndaǵy uıymdarǵa degen senimin arttyrý.

«Sybaılas jemqorlyqqa qarsy is-qımyl boıynsha júrgizilip jatqan jumystar aıasyndaǵy keıbir is-sharalardy atap ótkim keledi. Máselen, kólik, ónerkásiptik qaýipsizdik, geologııa jáne jer qoınaýyn paıdalaný, tehnıkalyq retteý jáne metrologııa salalaryndaǵy baqylaý-qadaǵalaý fýnktsııalary shamamen 30 paıyzy qysqartyldy. Kórsetiletin memlekettik qyzmetterdiń sapasyn arttyrý boıynsha is - sharalar júrgizildi»,-dedi QR IIDM jaýapty hatshysy Mereke Pishembaev.

Sonymen qatar ol kólik máseleleri boıynsha zańnamaǵa ózgerister engizilgenin eske saldy. Budan bólek, sybaılas jemqorlyq kórinisteriniń jolyn kesý úshin sybaılas jemqorlyqqa qarsy is-qımyl jónindegi ýákiletti organǵa naqty ýaqyt rejiminde kóliktik baqylaý beketterindegi ınspektorlardyń jumysyn baqylaýǵa múmkindik berildi.

Sybaılas jemqorlyqqa qarsy is-qımyl jónindegi joba kelesi salalarda jumys isteıtin bolady: ındýstrıalyq damý jáne ónerkásiptik qaýipsizdik; jer qoınaýyn paıdalaný; avtomobıl joldary; azamattyq avıatsııa; kólik; qurylys jáne turǵyn úı-kommýnaldyq sharýashylyǵy; qorǵanys ónerkásibi.

 Kórsetilgen baǵyttar aıasynda birqatar mindetter qarastyrylǵan.  Osy oraıda qoldanystaǵy NQA-ny taldaý jáne jetildirý,  ishki jáne syrtqy bıznes-protsesterdi taldaý, olardy ońtaılandyrý,  uıymdastyrý-basqarý qyzmetin taldaý, Sondaı-aq zamanaýı tsıfrlyq tehnologııalardy engizý sekildi qadamdar eskerilgen.

Óz kezeginde QR Sybaılas jemqorlyqqa qarsy is-qımyl agenttigi tóraǵasynyń birinshi orynbasary Oljas Bektenov «Adaldyq alańy» jobasynyń aýqymy keńeıip kele jatqanyn atap ótti.

«Búgin Indýstrııa jáne ınfraqurylymdyq damý mınıstrliginde «Adaldyq alańy» jobalyq kesesin ashqaly otyrmyz. Bul úlken aýqymdy jumys Elbasynyń tapsyrmasymen júrgizilip jatyr. Bıyl osy joba elimizdiń barlyq óńirlerinde óz jumysyn bastady. Sonymen qatar, respýblıkalyq deńgeıde de tıisti sharalar iske asyrylýda. Birneshe mınıstrlikte osyndaı jobalyq keńseler ashylǵan bolatyn», - dedi agenttik ókili.

Jobalyq keńse jumysynyń bastalýyna uıytqy bolatyn qujatty búgin Mereke Pishembaev pen Oljas Bektenov rásimdedi.

 

 

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT