Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Qostanaıdaǵy saýda ortalyqtarynda tegin kitap sóreleri ashyldy

2019 jylǵy 6 maýsym 17:21 871
Bólisińiz:
Qostanaıdaǵy saýda ortalyqtarynda tegin kitap sóreleri ashyldy

QOSTANAI. QazAqparat - Qostanaıda oblystyq ishki saıasat basqarmasynyń uıymdastyrýymen «KitapAll» qoǵamdyq býkkrossıng jobasy iske qosyldy, dep habarlaıdy QazAqparat.

Ó.Sultanǵazın atyndaǵy Qostanaı memlekettik pedagogıkalyq ýnıversıtetiniń rektory Erkin Ábildiń aıtýynsha, atalmysh áleýmettik jobanyń basty maqsaty - qostanaılyqtar arasynda kitaptardy ýaqytsha paıdalanýǵa berý arqyly oqý mádenıetin damytýǵa járdemdesý.

«Biz osy joba arqyly qala  turǵyndarynyń  arasynda kitap almasýdy jáne kitap oqýdy nasıhattaǵymyz keledi. Ókinishke qaraı, qazirgi tehnologııanyń qaryshtap damyǵan ýaqytynda kitap oqýshylardyń azaıyp bara jatqany da jasyryn emes. Al, qaı zamanda bolmasyn kitaptyń orny bıik turýǵa tıis. Sondyqtan, búgingideı sharalar qala turǵyndarynyń, ásirese jastardyń kitap oqýyna múmkindik bereri sózsiz. Aktsııaǵa bizdiń oqý ordasynyń oqytýshylary men stýdentteri belsene atsalysty», -deıdi rektor.

«Ruhani zhangyru» jobalyq keńsesiniń basshysy Nurbek Ábdibekovtiń sózinshe, atalmysh jobany tanymal etý úshin óńirge belgili sportshylar, ártister jáne blogerler men basqa da qoǵamdyq pikir kóshbasshylary tartylady.

«Kitap sóreleri «Qostanaı plaza» jáne «Mart» saýda oıyn-saýyq ortalyqtary men oqý ordalarynda ornalasqan. Ortalyqtarǵa kelgen kez kelgen adam kitap kórmesinen unatqan kitabyn ala alady. Tipti, ózi oqyǵan oqýlyǵyn kópshilikpen bólisýine de bolady. Osylaısha, tegin kitap sóreleriniń kómegimen biz qala turǵyndarynyń qarapaıym is jasaýyna, rýhanı jańǵyrýyna múmkindik bergimiz keledi», - deıdi N.Ábdibekov.

 

 

Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT