Qorǵanys mınıstri Arysta aqsaqaldarmen kezdesti

NUR-SULTAN. QazAqparat - Qorǵanys mınıstri Arys qalasynyń aqsaqaldarymen jáne qoǵam ókilderimen kezdesti. Bul týraly QazAqparat mınıstrliktiń baspasóz qyzmetine silteme jasap habarlaıdy.

Kezdesý barysynda turǵyndar óńirde tótenshe jaǵdaıdyń saldaryn joıý jáne qalanyń tynys-tirshiligin qalpyna keltirý jónindegi jumystardyń barysy týraly Qorǵanys mınıstrligi júrgizip jatqan sharalar týraly aqparattandyryldy.

Qorǵanys vedomstvosynyń basshysy arsenaldaǵy múmkin bolǵan sebepter týraly aıtyp berdi. Olardyń arasynda nemquraılyq, qasaqana órteý, órtke qarsy qaýipsizdik erejeleriniń buzylýy jáne t.b. Arys qalasynyń turǵyndary oq-dáriler fragmentterin kádege jaratý, qalǵan oq-dárilerdi áketý kezindegi qaýipsizdik sharalaryna qatysty kókeıde júrgen suraqtaryn qoıdy. Sondaı-aq, qalanyń birqatar aýdandarynda qurylys jumystaryn tezdetý týraly saýal kóterildi.

Kezdesýge qatysýshylar saperlar men áskerı órt sóndirýshilerdiń joǵary kásibılikterin atap ótip, olardyń jumysyna joǵary baǵa berdi.

Esterińizge sala ketsek, búgingi kúni qalada saperlar jasaǵy, ushqyshsyz ushatyn apparattar óz jumystaryn jalǵastyrýda. Udaıy áýeden barlaýdy júrgizýde, arsenal men qala mańyna irgeles jerdiń monıtorıngisin júrgizýde. Al odan keıin aqparatty jedel shtabqa taratýda. Qosymsha tikushaqpen ushyp ótý júzege asyrylýda. Saperlar toby páterler men úılerdi tekserýdi jalǵastyrýda. Áskerıler qaladan 60 km qashyqtyqta ornalasqan polıgondaǵy oq-dárilerdiń fragmentterin joıýdy jalǵastyrýda.

«Ártúrli kúmándi zattardyń tabylýy máseleleri boıynsha jergilikti turǵyndarmen belsendi túsindirý jumysy júrgizilýde. Úılerdi tekserý júrgizilýde...Taıaý ýaqytta­_tergeý jumystary aıaqtalyp, kináli adamdar anyqtalatyn bolady jáne zańǵa sáıkes­­_qatań jaýapqa tartylady. Osy oqıǵaǵa qatysty barlyq suraqtar_meniń jeke baqylaýymda», - dedi qorǵanys mınıstr Nurlan Ermekbaev. 

Aǵymdaǵy jyldyń 5 shildesinen bastap Qorǵanys mınıstrligi qalǵan oq-dárilerdi áketýdi bastady.

Sonymen qatar, kezdesýge Eńbek jáne áleýmettik qorǵaý mınıstri Berdibek Saparbaev qatysty.