Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Kópbalaly otbasy balalaryna arnalǵan 5000 grant qalaı beriledi

2019 jylǵy 2 shilde 12:24 1880
Bólisińiz:
Kópbalaly otbasy balalaryna arnalǵan 5000 grant qalaı beriledi

NUR-SULTAN. QazAqparat - Kópbalaly otbasylardyń balalaryna beriletin 5 myń grant konkýrsy 5-10 tamyz aralyǵynda ótedi. Bul týraly búgin Úkimet otyrysynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«5000 grant kópbalaly jáne áleýmettik  kómek alatyn otbasydan shyqqan  balalarǵa taǵaıyndalady. Grant qarajaty transfert arqyly jergilikti ákimdikterge beriledi. Olar ózderiniń qajettiligin eskere otyryp, naqty mamandyqtar tizbesin anyqtap, konkýrstyq  komıssııa quryp, konkýrs júrgizip, grant beredi. Jalpy, bul tetik búgingi kúni bar, zańnamaǵa engizilgen», - dedi mınıstr.

Onyń aıtýynsha, konkýrsqa qatysý úshin talapker nysanaly topqa jatqanymen qatar, Ulttyq biryńǵaı testiniń shekti ballyn jınaýy qajet. 

«Jalpy, osy grantqa ıe bolý úshin úmitkerler eń aldymen jyldaǵydaı negizgi 53 785  grantqa  respýblıkalyq konkýrsqa 21-31 shilde aralyǵynda  qatysyp, baǵyn synaıdy. Sol jalpy konkýrs boıynsha grantqa ıe bolmaǵan kópbalaly otbasydan shyqqan jáne ataýly kómek alýshylar sanatyndaǵy talapkerler qosymsha berilgen 5 myń grantqa  nysanaly granttar alý úshin  tamyzdyń 5-10 aralyǵyndaǵy kelesi konkýrsqa tapsyrý úshin jergilikti atqarýshy organdarǵa ótinish bere alady. Bul arada ákimdikter granttardy UBT ballyna jáne  grant sanyna qaraı taǵaıyndaıdy jáne jeńimpazdardyń tizimin jergilikti BAQ-ta  jarııalaıdy. Barlyq nysanaly grant ıegerlerine ádettegideı 20 949 teńge  kóleminde shákirtaqy taǵaıyndalady. Sonymen qatar, demalys kezinde jylyna 2 ret jol ótemaqysy óteledi», - dedi Ashat Aımaǵambetov.

 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT