Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Kókjaılaý kýrortyn salý úshin Іle Alataýyndaǵy 4 jer telimi jalǵa beriledi

2019 jylǵy 3 sáýir 19:13 1152
Bólisińiz:
Kókjaılaý kýrortyn salý úshin Іle Alataýyndaǵy 4 jer telimi jalǵa beriledi

ALMATY. QazAqparat - Іle Alataýy ulttyq parki aýmaǵyndaǵy 5 jer ýchaskesi jalǵa berý úshin tenderge qoıyldy, dep habarlaıdy QazAqparat tilshisi.

Keshe tenderlik komıssııa konvertti ashty. Endi tenderlik komıssııa 15 kún ishinde bul qujattardy qarap, jer ýchaskelerin qysqa jáne uzaq merzimge jalǵa berý týraly sheshim shyǵarady. Qazaqstan zańnamasyna sáıkes jerdi eń azy - 5 jylǵa, eń kóbi 49 jylǵa jalǵa berýge bolady. Tender qujattamasynda kórsetilgendeı, bul jerde áńgime 49 jylǵa jalǵa berý týraly bolyp otyr.

«Qazaqstanda erekshe qorǵalatyn tabıǵı  aýmaqtardy qorǵaý týraly zańnyń 46-babynyń 3-tarmaǵyna sáıkes  týrıstik jáne rekreatsııalyq qyzmetterdi júzege asyrý memlekettik tabıǵı parkiniń ınfraqurylymyn damytý týraly bas josparyna sáıkes oryndalady. Ulttyq parktiń bas jospary 2019 jyldyń 3 qańtarynda ýákiletti organ -QR Aýylsharýashylyǵy mınıstrligi Orman sharýashylyǵy janýarlar dúnıesi komıtetiniń №17-5-6/1 buıryǵymen bekitildi. Bas jospar negizinde jer ýchaskelerin qysqa jáne uzaq merzimge jalǵa berý oram, telim boıynsha kórsetiledi. Bolashaqta osy jerlerdi qysqa jáne uzaq merzimge jalǵa berýge bolady dep bekitilgen. Bas josparda týrızmdi damytý maqsatynda 126 ýchaskeni - uzaq merzimge, 66 ýchaskeni qysqa merzimge jalǵa berý josparlanǵan. Bizdiń park ýákiletti organǵa tender ótkizýge ruqsat berý týraly hat jazdy. 2019 jyly 26 aqpanda ýákiletti organ osy ýchaskelerge tender ótkizý týraly ruqsat berdi. Bir aı buryn park basshylyǵy basylym betterinde tender týraly resmı túrde jarııalady», - dedi Іle Alataýy ulttyq parki dırektorynyń orynbasary Darhan Isabekov.

Parktiń bas dırektorynyń buıryǵymen Kókjaılaý jobasyna sáıkes 134,4 ga jer boıynsha 4 lotqa komıssııa júrgizildi. Tenderge tek bir ǵana zańdy tulǵa - qalalyq týrızm basqarmasy ǵana qatysty. Birinshi kezeńde tenderlik komıssııa tender qujattarynyń zańdylyǵyn tekserdi. 

Tender nátıjesi 15 kúnnen soń belgili bolady. Komıssııa óziniń qorytyndysyn shyǵarady. Tender sátti ótken soń da qurylys birden bastalmaıdy.

«Bir jyldan soń ǵana jobalyq-smetalyq qujattama jasalady. Sosyn baryp ol ýákiletti organnan ótedi. Bul qujattar Sáýlet basqarmasynan, ekologııalyq, memlekettik saraptamadan ótedi. Biz ulttyq park ýákiletti organmen birige otyryp, ruqsat beremiz. Olar 3 jyl ishinde nysandy salyp bitýi kerek», -  dedi Darhan Isabekov.

Onyń aıtýynsha, qazir parktiń týrıstik potentsıalyn arttyrýǵa kómek qajet. Parktiń damýyna memleket eshqandaı qarajat bólmeıdi.  Al salynatyn nysannan tabıǵatqa kóp nuqsan kelmeıdi.

«Eger ol jerde Qyzyl kitap ósimdikteri ósetin bolsa, resýrstyq tekserý júrgiziledi. Bári zańǵa saı jasalady. Ondaı aǵashty kesý úshin de úkimet qaýlysy kerek. Qaýly shyqqan soń ǵana aǵashty kese alady. Jobanyń arqasynda Kókjaılaýǵa kiretin jol jasalady. Munyń aldynda 6 metrge keńeıtiledi degen edi. Endi olaı emes, tek shuńqyrlary jóndeledi», - dedi D.Isabekov. 

 

 

Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT