Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

«Kıeli Qazaqstan» salt attylar ekspedıtsııasy máresine jetti

2019 jylǵy 29 maýsym 18:40 2435
Bólisińiz:
 «Kıeli Qazaqstan» salt attylar ekspedıtsııasy máresine jetti

BAıANAÝYL. QazAqparat - 21 maýsym kúni Nur-Sultan qalasynan saparǵa attanǵan «Kıeli Qazaqstan» salt attylar ekspedıtsııasy máresine jetti, dep habarlaıdy QazAqparat.

Búgin «Kıeli Qazaqstan» ekspedıtsııasy Pavlodar oblysyndaǵy Baıanaýyl ulttyq parkiniń aýmaǵynda ornalasqan «Jasybaı» demalys ortalyǵyna taban tiredi. Bul - ekspedıtsııanyń sońǵy núktesi. Salt attylardy aýyl turǵyndary qushaq jaıa qarsy aldy.
«Kıeli Qazaqstan» salt attylar ekspedıtsııasy máresine jetti 

Baıanaýyl - áýlıeler men ǵulamalar kóp shyqqan kıeli meken. Buqar jyraý, Jaıaý Musa, Júsip Kópeıuly sııaqty tulǵalardyń týǵan jeri. Ekspedıtsııa músheleri akademık Qanysh Sátbaevtyń Baıanaýyl memorıaldyq murajaıyn aralady. Odan bólek, Sultanmahmut Toraıǵyrov kesenesinde bolyp,  Musa Myrza meshitinde quran baǵyshtap, Saryadyr bulaǵynan sý ishti. Kıeli mekende kóne tarıhtyń izderi de barshylyq. Solardyń biri Toraıǵyr aýylynyń aýmaǵynan tabylǵan saq qorǵandary. Sonymen qosa,  ulttyq parktegi eń tanymal oryn Kempir tasqa bardy. Shara sońynda salt attylar búldirshinderge arnaıy syı-sııapat usyndy.
«Kıeli Qazaqstan» salt attylar ekspedıtsııasy máresine jetti

Budan buryn ekspedıtsııa músheleri on kún boıy tek qazaqy jylqyny minip júretini habarlanǵan edi.  

«Ekspedıtsııanyń maqsaty - atqa miný mádenıetin nasıhattap, Qazaqstanda atty týrızmdi damytý. Osy joba «Rýhanı jańǵyrý» baǵdarlamasy men Elbasynyń «Uly dalanyń jeti qyry» maqalasyndaǵy atqa miný mádenıetin jańǵyrtýǵa eleýli úles qosady dep senemin», - dep keltiredi salt attylar jetekshisi Berik Aqylbekovtiń sózin «QazaqGeography» RQB.
«Kıeli Qazaqstan» salt attylar ekspedıtsııasy máresine jetti 

«Kıeli Qazaqstan» salt attylar ekspedıtsııasy 21 maýsymda elorda mańyndaǵy «BalQaragai» demalys ortalyǵynan aqsaqal qarııalardyń batasyn alyp, jolǵa shyqqan bolatyn. Osy ýaqyt aralyǵynda qatysýshylar Aqmola, Pavlodar oblystary men Buırataý, Baıanaýyl ulttyq parkterin júrip ótti. Salt attylar táýligine 50-60 shaqyrymdy eńserip, jaqyn mańdaǵy aýyldarda lager qurdy. Ekspedıtsııa quramynda atqa minýdiń qyr-syryn jiti biletin tájirıbeli shabandozdar, týroperator ókilderi, trevel-blogerler, tilshiler, fotograftar men vıdeooperatorlar bar.
«Kıeli Qazaqstan» salt attylar ekspedıtsııasy máresine jetti 
«Kıeli Qazaqstan» salt attylar ekspedıtsııasy máresine jetti 

Ekspedıtsııa nátıjesinde atty týrızmdi belsendi damytý úshin qoldanýǵa bolatyn baǵyttar anyqtaldy. Ol jerler naqty koordınatalarmen, sapaly foto jáne beınematerıaldarmen qamtylyp, tolyq sıpattalatyn bolady. Ári qaraı bul aqparattyń barlyǵy otandyq týrkompanııalarǵa beriledi. 

Shara QR Mádenıet jáne sport mınıstrliginiń Týrızm ındýstrııasy komıtetiniń bastaýymen júzege asty. Uıymdastyrýshysy - «Kazakh Tourism» UK, marshrýtty jasap jáne ekspedıtsııany ótkizgen - «QazaqGeography» RQB.

Ekspedıtsııanyń tolyq júrip ótken joldary: Nur-Sultan qalasy -Qaraǵaıly arheologııalyq kesheni - Sokolınye gory (Buırataý UTP) - Edige bı kesenesi - Alǵabas a. - Belodymovskıı kordon, Qaraaǵash (BuırataýUTP ) - Álkeı Marǵulan a. - Qarabulaq a. - Musa Shormanuly a. - Buqar Jyraý kesenesi - Jańatilek a.- Jaıaý Musa kesenesi -Baıanaýyl a.-  Jasybaı kóli, S.Toraıǵyrov kesenesi, Qońyr áýlıe (Baıanaýyl UTP) - Nur-Sultan q.


«Kıeli Qazaqstan» salt attylar ekspedıtsııasy máresine jetti 
«Kıeli Qazaqstan» salt attylar ekspedıtsııasy máresine jetti  

 

 

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT