Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

«Qazposhta» basshysy sálemdemelerdiń joǵalýyna qatysty túsinik berdi

2019 jylǵy 19 naýryz 12:41 1391
Bólisińiz:
«Qazposhta» basshysy sálemdemelerdiń joǵalýyna qatysty túsinik berdi

ASTANA. QazAqparat - Byltyr poshta jetkizilimderi kezinde 469 zat joǵaldy. Bul týraly baspasóz máslıhatynda «Qazposhta» AQ basqarma tóraǵasy Sáken Sársenov málim etti, dep habarlaıdy QazAqparat tilshisi.

«Ótken jyly 18,6 mln sálemdeme jetkizdik, onyń ishinde tek qana 469 sálemdeme jolda joǵaldy. ıAǵnı myń nemese mıllıon emes. Al eger ýaqytyly jetkizý máselesine toqtalsaq, álemdik statıstıka boıynsha sálemdemelerdiń 93-97 paıyzy der kezinde jetkizilýi tıis. Osy oraıda Dúnıjúzilik poshta odaǵynyń talaby bar. Bizdegi kórsetkish 95 paıyz shamasynda. 5 paıyzy túrli sebeptermen keshiktirilip jetkizildi», - dedi S. Sársenov.

Onyń sózine qaraǵanda, poshta jetkizilimderine baılanysty bıylǵy qańtarda shaǵymdar bolǵan. Sebebi osy merzimde jańa poshta eseptiligi engizilgen bolatyn.

«Nege osy qadamǵa bardyq? Óıtkeni «Qazposhtada» osyǵan deıin eskirgen júıeler jumys istep turdy jáne olar onlaın rejimde barlyq sálemdemelerdi ishki júıede baqylap turýǵa múmkindik bermedi. Ókinishke qaraı, atalǵan merzimde qolma qol jasalǵan is-qımyldar saldarynan sálemdemelerdiń joǵalýy nemese keshiktirip jetkizý sekildi máseleler oryn aldy.  Jalpy, biz osy kezeńdi eńserip, aqpan aıynyń basynda júıeni durys jolǵa qoıdyq. Qańtar aıynan bastap qazirgi kezeńge deıin 12,8 mln sálemdeme jetkizdik. Onyń ishinde tek 20 sálemdeme joǵaldy. Joǵalǵan sálemdeme úshin klıentke  taýardyń tolyq qunyn óteımiz. Engizilgen júıeniń arqasynda aldaǵy ýaqytta joǵalǵan zattardyń kólemi barynsha az bolady», - dedi Sáken Sársenov.

Budan buryn habarlanǵandaı, «Qazposhta» AQ basqarma tóraǵasy Qazaqstan aýmaǵyndaǵy elektrondyq kommertsııanyń jaǵdaıyna qatysty túsinik berdi.

Belgili bolǵandaı, elimizde ınternet arqyly satyp alýshylar 2,3 mıllıonnan asty.

Bizdiń kanalymyzǵa jazylyńyz:

Basty sózder: Qarjy, Internet, Logıstıka,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT