Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Qazaqstannyń bolashaǵy bilimdi jastardyń qolynda - Qasym-Jomart Toqaev

2019 jylǵy 4 shilde 17:07 1140
Bólisińiz:
Qazaqstannyń bolashaǵy bilimdi jastardyń qolynda - Qasym-Jomart Toqaev

NUR-SULTAN. QazAqparat - Qazaqstannyń bolashaǵy bilimdi jastardyń qolynda. Bul týraly búgin elordada ótken Sheteldik ınvestorlar keńesiniń otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Osy eldiń Prezıdenti retinde jastardy tónip kele jatqan syn-tegeýrinderge daıyndaý - shyn máninde basym mindet sanalady. Men bul jaıynda birneshe ret aıtqanmyn, Qazaqstannyń bolashaǵy shyn máninde jastardyń, eń aldymen bilimdi jastardyń qolynda.  Dúnıejúzilik ekonomıkalyq forým málimetterine sáıkes, adamı kapıtaldyń álemdik ındeksinde Qazaqstan ótken jyly 35-orynǵa kóterildi, al 2017 jyly ol 45-orynda bolǵan edi. Sonymen qatar, bilim berýde 157 eldiń ishinde 10-orynda tur. Árıne, bul - joǵary, senim uıalatatyn kórsetkish. Degenmen, biz osymen toqtap qalmaımyz», - dedi Qazaqstan Prezıdenti.

Memleket basshysy osylaısha zamanaýı bilim berý modeli qalyptasatynyn aıtty. Bilim berý qurylymdaryn júıeli damytý sharalary qabyldanyp jatqanyn atap ótti.

«Bizde 3 myń bilim berý nysany, onyń ishinde shamamen 2 myń mektep salyndy. Qazaqstandyq oqýshylar matematıka men jaratylystanýdan úlgerim boıynsha jahandyq reıtıngtiń alǵashqy ondyǵyna kirdi. 500 kolledjde 3 myńnan astam kásiporynnyń qatysýymen dýaldy oqytý engizildi. Qazirgi ýaqytta 200 myń stýdent birinshi jumysshy mamandyǵyn tegin alyp jatyr. Joǵary bilimi bar 2 mln 800 myń kadr daıyndaldy. Jumys berýshiler, onyń ishinde bizdiń sheteldik ınvetorlar da kadr daıyndaý isine belsene atsalysyp jatyr», - dedi Q.Toqaev.

 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT