Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Qazaqstanǵa oralǵan qandastardyń eńbek ótili zeınetkerlikke shyqqanda eseptele me

2019 jylǵy 24 maýsym 13:06 1483
Bólisińiz:
Qazaqstanǵa oralǵan qandastardyń eńbek ótili zeınetkerlikke shyqqanda eseptele me

NUR-SULTAN. QazAqparat - Mońǵolııa men Qytaıdan tarıhı otanyna oralǵan qazaqtardyń eńbek ótilderi Qazaqstanda zeınetkerlikke shyqqanda esepke alynady. Bul týraly búgin halyqpen eseptik kezdesý ótkizgen QR Eńbek jáne halyqty áleýmettik qorǵaý mınıstri Berdibek Saparbaev aıtty, dep habarlaıdy QazAqparat tilshisi.

Kezdesý barysynda Tanagúl Ahmetovanyń ınternet-forým arqyly mınıstrge joldaǵan saýaly oqylǵan bolatyn. Saýalda: «Basqa elden kóship kelgen qazaqtarǵa zeınetaqy taǵaıyndalǵan kezde olardyń buryn turǵan elderindegi eńbek ótilderi eskerile me? Meni qyzyqtyratyny Mońǵolııadan  kelgen azamattar, olar zeınetaqy alýda shekteýge ushyramaı ma?», - delingen.

Osy suraqqa jaýap bergen mınıstrdiń aıtýynsha, buryn Mońǵolııa, Qytaı memleketterimen Qazaqstannyń arasynda áleýmettik tólemder, eńbek ótilderi jóninde kelisimshart bolmaǵan.

«Sonyń saldarynan ol kisilerdiń, máselen Mońǵolııada jumys istegen ótilderi eseptelinbeıtin. Qazir ondaı kelisimshart bar. Sondyqtan Mońǵolııadan da, Qytaıdan da kelgen qandastarymyzdyń sol jaqtaǵy eńbek ótilderi eseptelinedi. Bizdiń qazaqstandyq zeınetkerler  sııaqty ol kisiler de zeınetaqy alady», - dedi B.Saparbaev.

 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT