Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Qazaqstandyqtardyń taksı qyzmetin paıdalaný kórsetkishi artty

2019 jylǵy 11 shilde 10:50 624
Bólisińiz:
Qazaqstandyqtardyń taksı qyzmetin paıdalaný kórsetkishi artty

ALMATY. QazAqparat - Qazaqstandyqtar taksıde kóbirek júretin bolǵan. Bir jylda taksı jolaýshylarynyń sany 22% artty, dep habarlaıdy QazAqparat tilshisi Energyprom-ǵa silteme jasap.

«2019 jyldyń 5 aıynda qaladaǵy elektrmen júretin kólikpen jáne avtomobıl kóligimen 9,4 mlrd jolaýshy tasymaldanǵan. Bul byltyrǵy dál osy kezeńmen salystyrǵanda, 2,6% artyq. Qazaqstandyqtar burynnan eń jıi qoldanatyn kólik túri avtobýspen 7,1 mlrd jolaýshy tasymaldanǵan. Bul byltyrǵydan 2,2% az», - delingen habarlamada.

Qazaqstanda jurt jıi qoldanatyn kólikterdiń ekinshisi - taksı. Taksı qyzmetin tutyný kórsetkishi bir jylda 21,8% ósip, bıylǵy bes aıda 2,2 mlrd jolaýshyǵa jetken. Tramvaı tasymaly da artyp keledi. Mundaǵy jyldyq ósim 12,2%, ıaǵnı 12,5 mln adamǵa jetken.

Avtomobıl jáne qaladaǵy elektrmen júretin kólikpen jolaýshy tasymaldaýdan túsken tabys bıylǵy qańtardan mamyrǵa deıin 42,9 mlrd teńgege jetti. Byltyrǵy tabys 41 mlrd teńge bolatyn. Al avtobýstardyń tabysy byltyrǵy 37,9 mlrd teńgeden 37,2 mlrd teńgege qysqarǵan.

Al taksı ataýlynyń tabysy birden bes ese ósip, 2,4 mlrd teńgeden asyp jyǵylǵan.

Avtobýsta júrý quny Qazaqstanda ortasha 76 teńge. Іri qalalardyń arasynda Nur-Sultan, Óskemen jáne Qyzylorda turǵyndary kóbirek tóleýge májbúr. Tipti, Nur-Sultanda kartańyz bolmasa, 180 teńge tóleısiz.

Іri qalalardyń arasynda tek Aqtóbede jol júrý quny ósken (+45,5%, 80 teńgege deıin).

Avtor: Danııar Dáýitálıev

 

 

Bizdiń kanalymyzǵa jazylyńyz:

Basty sózder: Statıstıka, Qoǵam, Ekonomıka,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT