Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Qazaqstandyq ǵalymnyń eńbegi bedeldi halyqaralyq derekter bazasyna endi

2019 jylǵy 17 maýsym 18:21 942
Bólisińiz:
Qazaqstandyq ǵalymnyń eńbegi bedeldi halyqaralyq derekter bazasyna endi

NUR-SULTAN. QazAqparat - Qazaqstandyq ǵalymnyń kitaby Web of Science bedeldi halyqaralyq derekter bazasyna endi, dep habarlaıdy QazAqparat.    

Ál-Farabı atyndaǵy QazUÝ rektory, akademık Ǵalym Mutanovtyń monografııasy «Mathematical Methods and Models in Economic planning, Management and Budgeting» Web of Science Core Collection jetekshi ǵylymı jarııalanymdarynyń bedeldi halyqaralyq bazasyna engizildi.

«Álemniń úzdik ǵylymı basylymdardy ındeksteıtin bedeldi halyqaralyq derekter bazasyna tanymal qazaqstandyq ǵalymnyń monografııasyn engizý Qazaqstannyń joǵary bilimi men ǵylymynyń kezekti jetistigi, jahandyq ǵylymı keńistiktegi zertteýdiń ózektiligi men joǵary mańyzdylyǵynyń dáleli», - dedi sertıfıkatty tapsyrý rásiminde Slarivate Analytics kompanııasynyń Reseı men TMD elderindegi basqarýshy dırektory Oleg Ýtkın.

Qazaqstandyq ǵalymnyń eńbegi bedeldi halyqaralyq derekter bazasyna endi 

Atap aıtý kerek, buǵan deıin «Springer Nature» baspasy shyǵarǵan Ǵalym Mutanovtyń ǵylymı eńbegi eń suranysqa ıe kitaptardyń tobyna kirdi. Al onyń elektrondy nusqasyn 13 myńnan astam paıdalanýshy júktedi, bul eń úzdik kórsetkishterdiń biri.

Atalmysh monografııa óz ýaqytynda ekonomıka salasyndaǵy Nobel syılyǵynyń laýreaty Djon Neshtyń joǵary baǵasyn aldy. Belgili ǵalym Manýel Alberto M. Ferreıra kitap ekonomıster, matematıkter men basshylar úshin taptyrmas ǵylymı jumys ekenin atap ótti.

Web of Science Core Collection - Slarivate Analytics (burynǵy Thomson Reuters, AQSh) agenttigi álemniń ǵylymı basylymdarynyń jetekshi derekter bazasy bolyp tabylady. Onda 18 000-nan astam jýrnal ındeksteledi, onyń ishinde 12 000-nan astam ımpakt-faktory bar.


Qazaqstandyq ǵalymnyń eńbegi bedeldi halyqaralyq derekter bazasyna endi 

 

Bizdiń kanalymyzǵa jazylyńyz:

Basty sózder: Bilim, JOO-lar,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT