Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Qazaqstandyq boksshylar Halyqaralyq týrnırde 8 medal jeńip aldy

2019 jylǵy 10 shilde 09:50 1221
Bólisińiz:
Qazaqstandyq boksshylar Halyqaralyq týrnırde 8 medal jeńip aldy

NUR-SULTAN. QazAqparat - Germanııada jastar arasynda bokstan ótken Brundenburg-Cup 2019 halyqaralyq týrnırinde qazaqstandyq bylǵary qolǵap sheberleri 8 medal jeńip aldy, dep habarlaıdy QazAqparat.

QR Boks federatsııasy habarlaǵandaı, qazaqstandyq boksshylar atalǵan týrnırden úsh altyn, bir kúmis jáne tórt qola medal jeńip aldy.

Alǵashqy altyndy 56 keli salmaqta Jeksen Beıbarys jeńip alsa, ekinshi chempıondyq ataqqa 60 keli salmaqta Ashırhan Aıtjan qol jetkizdi. Al el qorjynyna úshinshi altyndy 91 keli salmaqta Toǵambaı Saǵyndyq saldy.

Jalǵyz kúmisti 52 keli salmaq dárejesinde synǵa túsken Talǵat Syrymbetov jeńip alsa, qola medalǵa Muhamedsabyr Bazarbaıuly (49 kg), Darhan Dúısebaı (64 kg), Qýandyq Maqsut (81 kg) jáne Amanat Sabyrǵalı (+91 kg) ıe boldy.

Sondaı-aq, 60 keli salmaq dárejesinde judyryqtasqan Áshirhan  Aıtjan «týrnırdiń úzdik boksshysy» atandy.

Jalpy fınalda 21 eldiń ókilderi chempıondyq ataqqa talasty. Olardyń arasynda Reseı, Ýkraına, Frantsııa, Germanııa, Danııa, Rýmynııa, Polsha, Ýels, Argentına jáne basqa da Eýropa elderiniń boksshylary boldy.

Jalpykomandalyq esepte Reseı quramasy top jardy. Týrnır aǵymdaǵy jyldyń qyrkúıek aıynda Bolgarııada ótetin jasóspirimder arasyndaǵy bokstan Eýropa chempıonatyna daıyndyq aıasynda uıymdastyryldy.

 

 

 

 

 

Bizdiń kanalymyzǵa jazylyńyz:

Basty sózder: Sport, Qoǵam,
Bólisińiz:

Avtor:

Kúnsultan Otarbaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT