Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Qazaqstandaǵy etnos ókilderiniń tarıhı otanymen kásipkerlik baılanystary jolǵa qoıylmaq

2019 jylǵy 17 maýsym 17:08 1918
Bólisińiz:
Qazaqstandaǵy etnos ókilderiniń tarıhı otanymen kásipkerlik baılanystary jolǵa qoıylmaq

NUR-SULTAN. QazAqparat - Qazaqstan halqy Assambleıasy tóraǵasynyń orynbasary Janseıit Túımebaev Grýzııanyń, Lıtvanyń jáne TMD elderiniń dıplomatııalyq korpýs ókilderimen kezdesti, dep habarlaıdy QazAqparat tilshisi.

Іs-sharaǵa Belarýs, Ózbekstan, Tájikstan, Túrikmenstan, Ýkraına, Qyrǵyz Respýblıkasy, Ázerbaıjan, Grýzııa, Reseı elderiniń Qazaqstandaǵy Tótenshe jáne ókiletti elshileri, sondaı-aq Lıtva Respýblıkasynyń Qazaqstandaǵy úshinshi hatshysy qatysty.

«Qazaqstan halqy Assambleıasynyń XXVII sessııasynda Tuńǵysh Prezıdent - Elbasy Nursultan Nazarbaev Kásipkerler qaýymdastyǵynyń jumysyna erekshe toqtalyp, Assambleıaǵa damý baǵytyndaǵy birqatar mańyzdy tapsyrma júktegen bolatyn. Bul rette QR Syrtqy ister mınıstrligine QHA Kásipkerler qaýymdastyǵy jelisi arqyly sheteldik ınvestorlarmen ekonomıkalyq yntymaqtastyqtyqty nyǵaıtý, iskerlik baılanystardy bekemdep, elge ınvestıtsııa tartý úshin QHA-nyń sheteldik dostary klýbyn qurý, sheteldik ınvestorlarmen kelissózder kezinde QHA múshesin talqyǵa aralastyrý júkteldi», - dedi Janseıit Túımebaev kezdesý barysynda.

Qazaqstandaǵy etnos ókilderiniń tarıhı otanymen kásipkerlik baılanystary jolǵa qoıylmaq 

QHA tóraǵasynyń orynbasary sondaı-aq, Elbasynyń Ulttyq ekonomıka mınıstrligine júktegen tapsyrmalaryn da tizip ótti. Onyń aıtýynsha, atalmysh vedomstvoǵa «Atameken» palatasymen birigip, Kásipkerler qaýymdastyǵynyń jumysyn jańa deńgeıge kóterý, olardyń quramyn bıznes-birlestikterdiń jetekshi ókilderimen tolyqtyrý tapsyrylǵan.

«Negizgi baǵyt - ártúrli etnostardyń kásipkerleriniń tarıhı otanymen iskerlik qarym-qatynasyn jolǵa qoıý. Biz sizdermen taraptaryńyzdan osy máselege kelgende túsinistik tapsaq deımiz. Óz kezegimde bizdiń birlesken jumysymyzdy jandandyrý úshin usynystaryńyzdy tyńdaýǵa daıynbyz», - dedi Janseıit Túımebaev.

Qazaqstandaǵy etnos ókilderiniń tarıhı otanymen kásipkerlik baılanystary jolǵa qoıylmaq 

 

 

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT