Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 378.60 EUR 417.75
RUB 6.13 CNY 54.58
Jańalyqtar

Qazaqstanda «Zeren-2019» jas kásipkerler lageriniń alǵashqy maýsymy bastaldy

2019 jylǵy 4 shilde 18:32 555
Bólisińiz:
Qazaqstanda «Zeren-2019» jas kásipkerler lageriniń alǵashqy maýsymy bastaldy

NUR-SULTAN. QazAqparat - Qazaqstanda «Zeren-2019» jas kásipkerler lageriniń alǵashqy maýsymy bastaldy, dep habarlaıdy QazAqparat.

«Zeren-2019» respýblıkalyq tanymdyq jastar jazǵy lageri QR Aqparat jáne qoǵamdyq damý mınıstrliginiń bastamasymen uıymdastyrylyp, Qazaqstanda Jastar jylyn ótkizý boıynsha Jol kartasy sheńberinde júzege asyrylýda.

«Zeren-2019» respýblıkalyq tanymdyq jastar jazǵy lageri 4 shildede QR Aqparat jáne qoǵamdyq damý mınıstrligi Jastar jáne otbasy isi komıtetiniń tóraǵasy Madııar Qojahmettiń jetekshiligimen saltanatty túrde ashyldy. Sonymen qatar, ashylý saltanatyna Aqmola oblysy ákiminiń orynbasary Aına Músirálimova men Zerendi aýdanynyń ákimi Berikjan Ábýtálipov qatysty. Lagerdiń maqsaty - jastardy Qazaqstannyń barlyq óńirinde naqty iske asatyn, ornyqty, áleýmettik baǵyttaǵy bıznes jobalardy júzege asyrýdy úıretý bolyp tabylady. Lager jastardyń ózin ózi kórsetýine kómektesip, jastardyń, sonyń ishinde aýyl jastarynyń ekonomıkalyq jáne áleýmettik satylarǵa qol jetkizýine kómektesý úshin ashylǵan.

«Búgin biz elimizdiń eń kórikti jerinde kópten kútken, eń aýqymdy «Zeren-2019» jobasyn birge bastaý úshin jınaldyq. Sizderdi qyzyqty oqý úderisine toly kúnder, eń bastysy - óz bolashaqtaryńyzǵa qaraı qadam jasaý múmkindigi kútip tur! Lagerde sizderge jol kórsetip, qaı baǵytta áreket etý kerek ekenine jol silteıtin tálimgerlermen, bıznes-spıkerlermen emin-erkin aralasa alýlaryńyz úshin barlyq jaǵdaı jasalǵan. Sáttilik tileımin!», - dep Madııar Qojahmet alǵashqy sózinde atap ótti.

Uıymdastyrýshylardyń derekterine súıensek, lagerge qatysý múmkindigi 18 ben 29 jas aralyǵyndaǵy Qazaqstannyń kez kelgen azamatyna jáne TMD-nyń ár elinen 5 qatysýshyǵa berilgen. Lager úsh maýsymǵa bólingen. Ár maýsymda 200 qatysýshydan bolady. «Zeren-2019» lagerinde turý jáne bilim alý tegin. Birinshi aýysym 3 - 11 shilde aralyǵynda, ekinshi aýysym 13 - 21 shildede; úshinshi aýysym 23 - 31 shilde aralyǵynda ótedi. Barlyq qatysýshy óz ıdeıasyn júzege asyrý múmkindigine qol jetkizedi nemese lager tálimgerleriniń jetekshiligimen múlde jańa joba jasaı alady. Negizgi baǵyttar: azamattyq qoǵamdy damytý, kásipkerlik daǵdylary, jasyl ekonomıka, kreatıvti ekonomıka jáne jańa medıa salalary.

Jobanyń biregeıligi - ashyq dıalog alańy bolatyndyǵynda, onda tanymdyq úderistiń barlyq qatysýshysy sarapshylarmen birge startaptar jasaıdy, oryndalǵan jumystar qorytyndysy boıynsha óz  bıznes-jobalaryn tanystyrady.

Bilikti saraptamalyq qazylar alqasy qatysýshylar jasaǵan jobalardy irikteıdi. Úzdik 30 joba qarjylandyrylady, al jalpy júlde qory - 15 mıllıon teńge.

Almaty oblysynan kelgen qatysýshy Aqbota Jarylqasynnyń aıtýy boıynsha, osyndaı aýqymdy, ári mańyzdy jobaǵa qatysý shyn máninde bolashaqqa berilgen joldama.

«Men Almaty oblysynan óz jobammen keldim. Qazir ony jasap jatyrmyn jáne maǵan qazir tájirıbe men «jarq ete qalý úshin» naqty ne isteý kerek ekenin biletin bilikti mamannyń keńesi jetpeı tur. Zerenge kelgen soń, ózime tálimger taptym. Jeńiske jetip, jobamdy elime tanystyrýdy armandaımyn jáne oǵan barlyq múmkindigim bar dep oılaımyn. Jastardy qoldaýǵa arnalǵan «Zeren-2019» tárizdi jobalar memelket tarapynan úlken qamqorlyq, onyń ústine tegin qatysyp, 9 kún boıy jemisti jumys isteý múmkindigiń bar. Jastardyń bárine óz kúshin baıqap kórýge, baıqaýlarǵa qatysýǵa qoryqpaýǵa, qatysýǵa ótinish berip, jaryp shyǵýǵa keńes beremin, sebebi solaı etsek qana biz ózimizdi kórsete alamyz», - dep Aqbota alǵan áserimen bólisti. 

9 kúnnen keıin, birinshi aýysymnyń sońynda 10 jeńimpazdyń aty belgili bolady, olardyń jobalaryna qarjy bólinip, iske asý múmkindigine ıe bolady. Osy aýysymda óz isiniń naǵyz maıtalmany sanalatyn kelesi sarapshylar qatysýshylar aldynda sóz sóılep, tájirıbesimen bólisedi: Qazaqstannyń memelkettik jáne qoǵam qaıratkeri Álıhan Baımenov, qazaqstandyq tanymal alpınıst Maqsut Jumaev, «Qazaqstan barysy» qazaq kúresin damytý qory Qamqorshylyq keńesiniń tóraǵasy Arman Shoraev, «Bilim Media Group» kompanııasynyń negizin qalaýshy jáne jetekshisi Raýan Kenjehanuly, saıasattanýshy Dos Qoshym jáne basqalar.

Aıta keterlik bir jaıt, qatysýshylardy irikteý 2019 jylǵy 27 mamyr men 30 maýsym aralyǵynda www.archive.zerencamp.kz saıtynda ótti. «Zeren-2019» jobasyna qatysýǵa 1000-nan astam ótinish kelip tústi. Jobaǵa jastardyń osynsha qyzyǵýshylyq tanytýy onyń aýqymyna, oǵan degen mańyzdy kózqarasqa jáne qazirgi kezde zamanaýı jastardy qatty qyzyqtyratyn tańdaýly taqyryptyń ózektiligine baılanysty oryn alyp otyr.

Aıta keteıik, «Zeren» respýblıkalyq jastar jazǵy lageri daryndy jastardyń boıynda naǵyz kásipkerdiń, azamattyq belsendi tulǵa men kóshbasshynyń qundylyqtaryn qalyptastyrýǵa jáne jetildirýge baǵyttalǵan. Baǵdarlama qorytyndysy boıynsha, naqty júzege asatyn kásipkerlik bıznes-jobalardy Qazaqstannyń barlyq óńirinde iske qosý josparlanýda. Boljaldy nátıje - jańa azamattyq bastamalardy ashý arqyly aýyl jáne qala jastarynyń damýyna serpin berý.

«Zeren-2019» lageriniń uıymdastyrýshysy - Qazaqstannyń Azamattyq Alıansy.

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT