Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Qazaqstanda memlekettik qyzmetkerlerdiń jalaqysy men syıaqysy qalaı ózgeredi

2018 jylǵy 16 qańtar 16:15 11251
Bólisińiz:
Qazaqstanda memlekettik qyzmetkerlerdiń jalaqysy men syıaqysy qalaı ózgeredi

ASTANA. QazAqparat - Qazaqstanda 4 memlekettik organda eńbek aqy tóleýdiń jańa júıesi synamadan ótkiziledi, dep habarlaıdy QazAqparat  QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Nurlan Jahınge silteme jasap.

«Bıyl Ult Josparynyń 5 jáne 6-qadamdaryn iske asyrý sheńberinde QR Memlekettik qyzmet isteri jáne sybaılas jemqorlyqqa qarsy is-qımyl agenttiginde, Astana jáne Mańǵystaý oblystarynyń ákimdikterinde pılottyq rejımde ákimshilik memlekettik qyzmetshilerge eńbek aqy berýdiń jańa júıesi engizildi. Ol aı saıynǵy jalaqyny esepteýge jáne bonýstyq tólemderge qatysty ózgeristerdi qamtıdy», - dedi N. Jahın.

Memlekettik qyzmetshilerdiń aı saıynǵy jalaqysyna keletin bolsaq, qazir jalaqy jumystyń sıpaty men kúrdeliligine baılanysty bolady. Bul tek laýazymnyń deńgeıin jáne memlekettik qyzmetshiniń jumys ótilin eskeretin dástúrli júıeden erekshelenedi.

Eski tarıftik shkala boıynsha mınıstrliktiń qyzmetkerleri ákimdikterdiń qyzmetkerlerine qaraǵanda jalaqyny aıtarlyqtaı kóp aldy, al kez kelgen basshynyń jalaqysy jumystyń mazmunyna qaramastan oryndaýshynyń eńbek aqysynan joǵary boldy. Bul jalaqydaǵy negizsiz dısproportsııaǵa alyp keldi jáne memlekettik organ úshin olardyń mańyzdylyǵyn eskere otyryp, pozıtsııalardy bólip kórsetpedi, deıdi agenttiktik ókili.

Onyń aıtýynsha, jańa júıe faktorlyq-baldyq júıege negizdelgen, oǵan sáıkes barlyq laýazymdar úsh faktordy eskere otyryp baǵalanady: laýazymdyq mindetterin tıimdi oryndaý úshin qandaı bilim deńgeıiniń, quzyrettilik pen jumys tájirıbesiniń qajettigi; laýazymǵa júktelgen mindetterdiń kúrdeliliginiń dárejesi; nátıjege qol jetkizbegeni úshin jaýapkershilik dárejesi.

Faktorlardyń árqaısysy boıynsha ball shyǵarylady jáne olardyń jıyntyǵy jańa jalaqy jelisindegi laýazymnyń ornyn anyqtaıdy.
Barlyq laýazymdardy baǵalaý nátıjesinde olar tórt blokqa toptastyryldy: jaýapty hatshylardy, apparat basshylary men komıtetterdiń tóraǵalaryn qamtıtyn joǵarǵy basshylyq quram; negizgi (salalyq bólimshelerdiń laýazymdary); járdemdesýshi (quqyqtyq, qarjylyq, kadrlyq, aqparattyq jáne tehnologııalyq qoldaý, jurtshylyqpen baılanys úshin jaýapty laýazymdar); qosalqy (ákimshilik jáne sharýashylyq qyzmetke jaýapty laýazymdar).

Bloktyń árqaısysy laýazymdar ıerarhııasyn eskere otyryp, 15 deńgeıden turady.

«Eńbek aqy tóleýdiń faktorlyq-baldyq shkalasynyń engizilýiniń arqasynda, bıylǵy jyly jańa júıeni synamadan ótkizýdi júzege asyratyn memlekettik organdarda kómekshi (tehnıkalyq) qyzmetkerlermen salystyrǵanda saıasatty qalyptastyratyn salalyq qurylymdardyń qyzmetkerleri, sarapshylar, sondaı-aq óńirlerdiń qyzmetkerleri kóbirek jalaqy alady.

Aımaqtar men ortalyq memlekettik qyzmetshilerdiń jalaqylaryndaǵy dısproportsııany azaıtý jańa júıeni engizýdiń taǵy bir mańyzdy jaǵy», - dep atap ótti ol.

Mysaly, eger buryn ortalyq memlekettik mekemedegi bas sarapshyǵa qaraǵanda, ákimdiktiń bas mamany ortasha eseppen 70% (115 myń teńge) az alsa, endi aıyrmashylyq orta eseppen 10% (210 myń teńge) bolady.

Jańa jalaqynyń mólsheri naryqtaǵy uqsas qyzmetterdiń qunyn eskere otyryp anyqtaldy. Osylaısha, faktorlyq-baldyq shkala eki negizgi prıntsıpti saqtaýdy qamtamasyz etedi: ishki ádilettilik jáne syrtqy básekege qabilettilik, - dep túsindirdi N.Jahın.

Qazaqstanda bul ádistemeni qazirdiń ózinde 174 jekemenshik jáne kvazımemlekettik sektor kompanııalary júzege asyryp otyr.

AQSh, Sıngapýr, Malaızııa, Jańa Zelandııa jáne basqa da ekonomıkalyq damyǵan elderdegi memlekettik mekemelerde qyzmetkerlerdiń jumysy osyndaı tásilmen baǵalanady.

«Jańa júıedegi syıaqy máselesine keletin bolsaq, birinshiden, «syıaqy» máni «bonýs» mánine ózgertildi. Ekinshiden, olar jyldyń sońynda memlekettik qyzmetshilerdiń jumys qorytyndysyna baılanysty tólenedi. Osylaısha, biz «teńdestirýden» shyǵamyz», - dedi N.Jahın.

Onyń aıtýynga, árbir memlekettik qyzmetshiniń aldynda turǵan mindetter jeke jumys josparlarynda qamtylatyn bolady. Aıta ketý mańyzdy, bul mindetter úrdistik (kúndelikti) sharalardy qamtymaıdy, al memlekettik organdardyń strategııalyq josparlarynan jáne birinshi basshylardyń memorandýmdarynan shyǵady.

Sondyqtan, olar baǵalaý protsesinde sýbektıvtiliktiń aldyn alýǵa bolatyn naqty jáne ólshenetin bolýy kerek, deıdi N.Jahın.

«Jalpy alǵanda, jańa júıeni engizý praktıkada balamaly jumysty oryndaý úshin teń syıaqy prıntsıpin júzege asyrýdy, sondaı-aq Ult jospary «100 naqty qadam» baǵdarlamasynda kórsetilgen nátıjelerge negizdelgen syıaqyny qamtamasyz etedi», dedi agenttik ókili.

Onyń aıtýynsha, bolashaqta pılottyq synamadan ótý tıimdi bolǵan jaǵdaıda basqa da memlekettik organdarǵa taratylatyn bolady.

Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT