Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Qazaqstanda qytaıtaný ınstıtýty ashyldy

2019 jylǵy 18 maýsym 01:58 1037
Bólisińiz:
Qazaqstanda qytaıtaný ınstıtýty ashyldy

NUR-SULTAN. QazAqparat - L.N.Gýmılev atyndaǵy Eýrazııa ulttyq ýnıversıteti Ǵylymı keńesiniń sheshimimen ǵylymı-zertteý baǵytyndaǵy «Qytaıtaný ınstıtýty» ashyldy, dep habarlaıdy QazAqparat ýnıversıtettiń baspasóz qyzmetine silteme jasap.

Atalǵan ınstıtýttyń basshysy bolyp belgili qytaıtanýshy, fılologııa ǵylymdarynyń doktory, aqyn, Dúnıejúzi sınologtar qoǵamynyń múshesi Dúken Másimhanuly taǵaıyndaldy.

«Qytaıtaný ınstıtýtynyń negizgi maqsaty - Qazaqstan Respýblıkasymen dıplomatııalyq qarym-qatynas ornatqan strategııalyq áriptes el - Qytaı Halyq Respýblıkasynyń tarıhyn, mádenıetin, salt-dástúrin, ekonomıkalyq-áleýmettik damý ereksheligin, álemdegi ornyn zerdelep, ǵylymı baıyptaý. Resmı Beıjińniń Shyǵys jáne Ońtústik Azııa, Taıvan, Batys Eýropa, Túrki, Islam dúnıesi, Ortalyq Azııa elderimen qarym-qatynasyn saraptaý», delingen habarlamada.

Instıtýt QHR-dyń óz ishindegi etnosaralyq, dinaralyq, ekonomıkalyq, áleýmettik, saıası máselelerdi, búgingi qalpy men betalysyn boljamdap, aqparat kózderi men jalpy oqyrmanǵa anyq etip jetkizbek. 

Sonymen qatar ınstıtýttyń mádenı baǵyttaǵy josparlaǵan jumystary bar. Mysaly, Qytaı muraǵattaryndaǵy ejelgi túrki, qazaq taıpalary tarıxy men mádenıetine qatysty derekterdi izdeý, jınaý, júıeleý jáne basyp shyǵarý. 
«Áıgili qytaı ǵalymdary jazǵan ejelgi túrki, baıyrǵy qazaq tarıxy men mádenıeti týraly zertteýlerdi, qytaı (xanzý) ultynyń túsinik-tanymyn, talǵam-parasatyn Qazaqstan jurtshylyǵyna keńinen tanystyrý. Qytaı ádebıeti úlgilerin qazaq tiline aýdarý. Eki jaqtyń mádenı-rýhanı, ǵylymı-zertteýshilik qarym-qatynasyna laıyqty jaǵdaı týǵyzý», delingen habarlamada.

 

Bizdiń kanalymyzǵa jazylyńyz:

Basty sózder: Dıplomatııa, Qytaı, JOO-lar,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT