Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Qazaqstanda qajylyqqa vıza alý jeńildeıdi

2019 jylǵy 27 maýsym 18:54 662
Bólisińiz:
Qazaqstanda qajylyqqa vıza alý jeńildeıdi

NUR-SULTAN. QazAqparat - Saýd Arabııa bıligi bıylǵy qajylyqqa vıza alý jolyn ońtaılandyrdy. Álemniń ár túkpirinen baratyn azamattar endi qajylyq vızasyn elektrondy júıe arqyly alady. Bul týraly QazAqparat Qazaqstan musylmandary dinı basqarmasyna silteme jasap habarlaıdy.

Atalǵan júıe Ramazan aıynda tájirıbe retinde engizilgen bolatyn. Nátıjesinde umraǵa kelýshiler sany 30 paıyzǵa artqan.

Óıtkeni álemniń keıbir elderinde Koroldiktiń konsýldyq qyzmet kórsetý ortalyqtarynyń bolmaýynyń sebebinen qıyndyqtar bolatyn. Osyǵan oraı Saýd Arabııanyń Qajylyq jáne Umra men Syrtqy ister mınıstrligi birlesip osy bastamany qolǵa alǵan.

 «Bıyldan bastap elimizden baratyn barlyq qajylar osy júıeni qoldanady. Munyń utymdy tusy kóp. Endi Qajylyq-2019 maýsymyna otandastarymyzǵa qyzmet usynyp otyrǵan elimizdegi Qajylyqpen aınalysýǵa qabiletti dep tanylǵan týrfırmalar paryzyn óteýshilerdiń vızasyn Nur-Sultan qalasyndaǵy Saýd Arabııasynyń elshiligine tólqujat usynbaı-aq elektrondy júıe arqyly rásimdeı alady. Buǵan deıin vıza alýdyń ýaqyty birneshe kúnge sozylsa, qazir bir saǵatta daıyn bolady. Osyndaı elektrondy vıza berý úderisine kóshken Saýd Arabııasy Taıaý Shyǵys aımaǵyndaǵy Úkimettik elektrondy qyzmetti qolǵa alǵan alǵashqy el. Mundaı ózgeris tipti bizdegi qajylyq kompanııalary úshin de tıimdi ekenin aıtqym keledi» deıdi QMDB Qajylyq bóliminiń meńgerýshisi Jandilla Bekjigitov.

Aıta keteıik buǵan deıin paryzyn óteýshilerdiń qujattary ár oblystan jınalyp, Nur-Sultan qalasyna jetkiziletin. Endi árbir qajylyq fırmalary óz keńsesinen qajetti qujattardy rásimdep, vıza alýdyń jeńil túrine qol jetkizbek.

 

 

Bizdiń kanalymyzǵa jazylyńyz:

Basty sózder: Din, Qoǵam,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT