Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Qazaqstanda Iranmen birlesken «Halal» zerthanasy ashylady

2017 jylǵy 1 naýryz 16:44 894
Bólisińiz:
Qazaqstanda Iranmen birlesken «Halal» zerthanasy ashylady

ALMATY. QazAqparat - Qazaqstanda «halal» sertıfıkatyn anyqtaıtyn Iranmen birlesken zerthana ashylýy múmkin. 

Bul týraly búgin Almatyda ótken «Iranmen bıznes júrgizý» birinshi saýda-ekonomıkalyq konferentsııasynda «Atameken» UKP Qazaqstan Syrtqy saýda palatasynyń basqarma basshysy Aıan Erenov aıtty, dep habarlaıdy QazAqparat tilshisi. 

Konferentsııada baıandama jasaǵan Aıan Erenov Iranǵa azyq-túlik jetkizgisi keletin qazaqstandyq kásipkerlerge atalǵan el naryǵyndaǵy mańyzdy tetikke mán berýdi eskertti. 

«Halal» sertıfıkatsııasy  Iranmen aradaǵy saýda baılanysynda, ásirese, azyq-túlik boıynsha asa mán beretin dúnıe. Ony kedergi dep aıtýǵa bolmaıdy, bul standart keıde tutynýshy tarapynan durys qabyldanbaı jatady. Qazaqstannan Iranǵa ónimin eksporttaǵysy keletin kompanııalar «halal» sertıfıkatyn alýy qajet. Bul Irannyń ishki naryǵyn qorǵaý jaǵynan jáne tutynýshy tarapynan sapa kórsetkishin anyqtaýshy retinde (tutynýǵa bolatyn, bolmaıtyn - red) paıdalanylatyn óte mańyzdy qural. Osyny eskerý kerek. Qazirgi ýaqytta biz Irannyń Saýda-ónerkásip palatasymen Qazaqstanda halal sertıfıkatyn beretin birikken zerthana ashý týraly kelissózder júrgizip jatyrmyz. Ony ashýǵa bir jyldaı ýaqyt ketedi dep oılamyn», -  dedi Aıan Erenov.

Aıta keteıik, búgin Almatyda QR «Kaznex Invest» eksport jáne ınvestıtsııalar agenttigi men Zoodel on-laın V2V saýda alańynyń uıymdastyrýymen «Iranmen bıznes júrgizý» birinshi saýda-ekonomıkalyq konferentsııasy ótip jatyr.  Uıymdastyrýshylar eki el arasynda mundaı shara birnshi ret uıymdastyrylyp otyrǵanyn aıtady. Konferentsııaǵa Irannan quramynda memlekettik organ, bıznes ókilderi, Iran Islam Respýblıkasynyń banki, Iran-Qazaqstan iskerlik keńesi, Iran memlekettik eksport-nesıe agenttigi ókilderi engen arnaıy delegatsııa keldi.

Qazaqstan men Irannyń  saýda aınalymy 2016 jyly 600 mln. dollarǵa jýyq qarjyny qurady. 2016 jyly Irannan Qazaqstanǵa 45,6 mln AQSh dollarynyń ımporty kelgen. Qazaqstan Iranǵa metall ónimderi, ýran, arpa, bıdaı, raps tuqymdaryn eksporttasa, Irannan Qazaqstanǵa hımııalyq ónimder, polıetılen, munaı hımııasy, qurylys zattary keledi.

 

 

 

 

Bizdiń kanalymyzǵa jazylyńyz:

Bólisińiz:

Avtor:

Almas Muqashuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT