Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Qazaqstanda ıpotekalyq nesıeden rekord jasaldy

2019 jylǵy 29 mamyr 11:35 1455
Bólisińiz:
Qazaqstanda ıpotekalyq nesıeden rekord jasaldy

ALMATY. QazAqparat - Qazaqstanda ıpotekalyq uıymdardyń jumysy jandanyp keledi: kompanııanyń qaryz qorjyny birden 47 paıyzǵa artqan. Tórt aıdyń ishinde ǵana ıpotekalyq nesıe 200 mlrd teńgeden asyp, rekord jańartqan, dep habarlaıdy QazAqparat tilshisi Finprom aqparat kózine silteme jasap.

«Osy jyldyń sáýir aıynyń sońynda ıpotekalyq uıymdardyń aktıvteri ótken jyldyń sáıkes kezeńimen salystyrǵanda eki esege ósip, 546,3 mlrd teńgege jetken. Aktıvtegi qaryz qorjynynyń úlesi 50,8 paıyzǵa nemese 277,6 mlrd teńgege jetti. Bir jyldyń ishinde soma 47,1 paıyzǵa kóterildi. Mundaı ósimge 2018 jyldyń maýsym aıynda Qazaqstannyń ıpotekalyq naryǵynda «Baspana» ıpotekalyq uıymynyń paıda bolýy muryndyq bolyp otyr», - delingen habarlamada.

Aıta keterligi, qazirgi ýaqytta ıpotekalyq uıymdar el ekonomıkasynda qatysý úlesin arttyryp keledi. Máselen, ıpotekalyq uıymdarǵa tıesili aktıvterdiń úlesi JІÓ-niń 0,9 paıyzdyq kórsetkishine teńesken. Bul kórsetkish buryn 0,4 paıyzdyń mańaıynda saqtalyp turǵan edi.

Sońǵy jyldary ıpoteka naryǵy aıtarlyqtaı aýqymyn keńeıtip keledi. Bul rette jandandyrýshy faktor - turǵyn úıge qatysty memlekettik baǵdarlamalar ekenin atap ótý kerek. Osy jyldyń qańtar-sáýir aılarynda ıpotekalyq nesıelerdiń somasy 200,2 mlrd teńgege jetip, ótken jyldyń sáıkes kezeńinen qaraǵanda 55,7 paıyzǵa (ótken jyly 128,6 mlrd teńge) artqan. Sáýir aıynyń sońyndaǵy jaǵdaı boıynsha ıpotekalyq nesıeleý somasy 1,4 trln teńgege jetip, bir jyldyń ishinde 24,8 paıyzdyq ósimdi kórsetken.

Jalpy, 2018 jyldyń 12 aıynyń qorytyndysy boıynsha, azamattarǵa turǵyn úı qurylysy men baspana satyp alý úshin bankter bergen nesıeniń somasy 525 mlrd teńgeni kórsetken. Bul soma aldyńǵy jyldyń kórsetkishinen 47,1 paıyzǵa artyp, ıpotekalyq nesıeleý tarıhyndaǵy rekordty kórsetip otyr.

Osyndaı ósimniń baıqalýyna «7-20-25» memlekettik baǵdarlamasynyń iske qosylýy sebep bolyp otyr. Baǵdarlama boıynsha qaryz - 2018 jylǵy ıpotekalyq qaryz somasynyń 7,4 paıyzdyq (39 mlrd teńge) úlesine ıe. 2019 jyldyń alǵashqy toqsanynda «7-20-25» baǵdarlamasy boıynsha berilgen ıpotekalyq qaryz úlesi jalpy ıpotekalyq nesıeleý mólsheriniń 7,4 paıyzyna teń bolyp otyr.

 

 

 

Bizdiń kanalymyzǵa jazylyńyz:

Basty sózder: Ekonomıka, Ipoteka, Bankter, Turǵyn úı,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT