Qazaqstan Úkimeti amerıkalyq kompanııalarmen ózara túsinistik memorandýmyna qol qoıdy

NUR-SULTAN. QazAqparat - QR Úkimeti men Valmont Industries TUK AÓK salasynda ınvestıtsııalyq yntymaqtastyqty iske asyrý týraly qujatqa qol qoıdy, dep habarlady primeminister.kz.

QR Premer-Mınıstri Asqar Mamın QR Úkimeti men amerıkandyq kompanııalardyń aýyl sharýashylyǵy salasyndaǵy ózara is-qımyl boıynsha qujattarǵa qol qoıýyna qatysty. 

Jerlerdi sýarý salasyndaǵy jobalardy birlesip iske asyrý boıynsha Ózara túsinistik týraly Memorandýmǵa QR aýyl sharýashylyǵy mınıstri S. Omarov pen Valmont Industries prezıdenti, bas dırektory Ctıv Kanevskı qol qoıdy. 

Joba sýarý, sý resýrstaryn utymdy paıdalaný, jem-shóp óndirý, fermerlerdi oqytý men trenıng ótkizý, bilikti kadrlar daıarlaý salasyndaǵy ozyq tehnologııalar transferti boıynsha fermalar jelisin qurýǵa baǵyttalǵan. Zamanaýı ırrıgatsııalyq qondyrǵylar usynylatyn alańdardy Aqmola jáne Túrkistan oblystarynda qurý josparlanǵan. 

 

Óz kezeginde, Valmont Industries, Global Beef (AQSh) jáne Kusto Group (QR)  arasynda qol qoılyǵan kelisimniń maqsaty - Qazaqstanda qýattylyǵy jylyna keminde 1000 júıe bolatyn, ınvestıtsııalar kólemi $50 mln quraıtyn zamanaýı ırrıgatsııalyq qondyrǵylardy shyǵaratyn zaýyt salý boıynsha birlesken kásiporyn qurý.