Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Qazaqstan týraly qyzyqty materıaldardy «National Geographic-ke» shyǵarýǵa bolady

2016 jylǵy 5 jeltoqsan 16:54 10174
Bólisińiz:
Qazaqstan týraly qyzyqty materıaldardy «National Geographic-ke» shyǵarýǵa bolady

ASTANA. QazAqparat - Qazaq tilindegi úzdik zertteý materıaldary «National Geographic» halyqaralyq jýrnaly úshin aǵylshyn tiline aýdarylady. Búgin Parlament Májilisindegi Úkimet saǵatynan keıin QR Aqparat jáne kommýnıkatsııalar mınıstri Dáýren Abaev osylaı málim etti, dep habarlaıdy QazAqparat.

Úkimet saǵaty barysynda Májilis depýtaty Baqytgúl Hamenova qazaq jýrnalıstıkasynyń óndirgen ónimderin «álem nege tutynbaıdy?» degen másele búginde jıi qozǵalyp júrgendigin aıtqan bolatyn.

«Bizdiń qazaq basylymdary álemdik deńgeıdegi aqparat quraldarymen baılanys ornatyp, ózderiniń úzdik materıaldaryn aýdartyp, sol áriptestik arqyly álemge taratyp otyrýǵa kedergiler bar ma?»,-degen depýtat B. Hamenova osy máselege qatysty mınıstrdiń pikirin suraǵan edi.

Óz kezeginde mınıstr Dáýren Abaev qazaq tilinde tuńǵysh ret jaryq kórip otyrǵan álemdik brendtik-basylym «National Geographic Qazaqstan» jýrnalynyń dál osy baǵyttaǵy tájirıbesin alǵa tartty.

«Men sizderge bir mysal keltireıin, «National Geographic Qazaqstan» jýrnaly bıylǵy jyly ǵana qazaq tilinde shyǵyp jatyr.  Bul basylymda  álemdik zertteýler aǵylshyn tilinen aýdarylyp berilse, birte-birte Qazaqstan týraly tól materıaldar onyń keıingi sanynda kóbeıip keledi. Sonyń ishinde eń myqty degen qazaq tilindegi maqalalar dúnıejúzilik «National Geographic-ke» shyǵady. Bul bir ǵana mysal. Negizi osy baǵytta úlken jumystardy júrgizip jatyrmyz»,-dep toqtaldy vedomstvo basshysy.

Onyń aıtýynsha, bundaı halyqaralyq aýqymdaǵy jobalar bir jaǵynan úlken qarjy talap etse, ekinshi jaǵynan eldiń álemdik deńgeıdegi ımıdjine zor áser etpek.

Sonymen qatar D. Abaev álemdik deńgeıdegi kompanııalarmen áriptestik  baǵyttaǵy sharalar qomaqty qarjyny talap etetinin atap ótti.

«Úlken kompanııalar bizge kelip, joba jasaý úshin qarjylaı kómek suraıtyn kezder bolady. Negizinen ol jaǵyn da qarastyryp jatyrmyz. Sosyn biz «Discovery» jáne «Euronews» sekildi álemdik kompanııalar ókilderimen kezdestik. Eger osy baǵyttaǵy birlesken jobamyz júzege assa, ol barlyq taraptarǵa da qyzyq bolady dep oılaımyn»,-dedi mınıstr.

Munymen qosa, vedomstvo basshysy aldaǵy jyldary túsiriletin sapaly ári reıtıngti qazaqstandyq serıaldar da shet elderge satylatynyn atap ótti. 

 

 

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT