Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Qazaqstan ormandardy avıatsııamen sholǵyndaýǵa qosymsha 1,8 mlrd teńge jumsamaq

2019 jylǵy 19 maýsym 15:50 723
Bólisińiz:
Qazaqstan ormandardy avıatsııamen sholǵyndaýǵa qosymsha 1,8 mlrd teńge jumsamaq

NUR-SULTAN. QazAqparat - Qazaqstan ormandardy órtten qorǵaý úshin avıatsııamen sholǵyndaýǵa qosymsha 1,8 mlrd teńge jumsamaq. Bul týraly búgin Senattaǵy «Qazaqstandaǵy bıologııalyq alýantúrliliktiń saqtalýyn zańnamalyq qamtamasyz etýdiń ózekti máseleleri» atty Úkimet saǵatynda QR Ekologııa, geologııa jáne tabıǵı resýrstar vıtse-mınıstri Erlan Nysanbaev aıtty, dep habarlaıdy QazAqparat tilshisi.

«2018 jyly oblys ákimderimen birge 2030 jylǵa deıin ormandy molyqtyrý jáne aǵash ósirýdi arttyrýdyń qadamdyq jospary bekitildi. Atalǵan josparlardyń aıasynda ormandardy molyqtyrý men jasyl aımaqtar qurý  kólemin jyl saıyn 10 myń gektarǵa arttyrý kózdelgen. Ótken jyly qaıtadan qalpyna keltirgen orman ósimdigi 52,7 myń gektardy qurady. Osyǵan baılanysty oblys ákimdikteri jospar aıasynda ózderine alǵan mindettemelerin oryndaý boıynsha sharalar qabyldaýy qajet», - dedi vıtse-mınıstr.

Onyń atap ótýinshe, ormandardy órtten qorǵaýdyń eń tıimdi sharalarynyń biri alqaptardy avıatsııalyq sholǵyndaý bolyp otyr. Bul rette álemniń AQSh, Kanada, Ispanııa, Ońtústik Koreıa jáne Reseı syndy elderi orman órtimen kúreste avıatsııany keńinen qoldanýǵa aıryqsha nazar aýdaratyndyǵy belgili.

«Álemdik tájirıbeni sonymen qatar orman órtterin anyqtaý jáne olarmen kúreste avıatsııany qoldaný tıimdiligin eskere otyryp, mınıstrlik bıylǵy jyly avıatsııamen sholǵyndalanatyn aýmaqty 8,8 mln gektardan 9,5 mln gektarǵa deıin ulǵaıtýdy josparlady. Bul ushýlardy 4 myń saǵatqa deıin ulǵaıtady. Sonyń arqasynda Batys Qazaqstan, Qyzylorda jáne Túrkistan oblystarynyń aýmaqtaryn avıatsııamen sholǵyndaýǵa múmkindik týady. Sholǵyndaý tek ormandardy ǵana emes sonymen birge janýarlar álemin qorǵaý úshin júzege asyrylady. Buǵan jyl saıyn qosymsha 1,8 mlrd teńge qarjy qajet. Atalǵan maqsattarǵa oraı mınıstrlik ormandardy avıatsııalyq qorǵaý normatıvterine tıisti ózgertýler engizedi»,-  dedi Erlan Nysanbaev.

 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT