Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Qazaqstan Moldovadaǵy saılaýǵa baqylaýshylardy jiberedi

2019 jylǵy 7 aqpan 16:15 1090
Bólisińiz:
Qazaqstan Moldovadaǵy saılaýǵa baqylaýshylardy jiberedi

ASTANA. QazAqparat - QR Ortalyq saılaý komıssııasy Moldovadaǵy saılaýǵa baratyn baqylaýshylardyń tizimin bekitti, dep xabarlaıdy QazAqparat tilshisi.

OSK múshesi Záýresh Baımoldınanyń aıtýynsha, Moldova Respýblıkasy Parlament depýtattarynyń saılaýy aǵymdaǵy jyly 24 aqpanda ótedi. Tizimde 9 baıqaýshy bar. Olar TMD jáne EQYU mıssııalary quramynda saılaýdy baqylaıdy.

«Bul saılaýdy baqylaýǵa qatysý týraly shaqyrýlar alty saıası partııaǵa jiberilgen. Biraq ta olardyń ishinen bir de bireýi óz kandıdatýrasyn usynbaǵanyn atap ótken jón. TMD-dan baıqaýshylar mıssııasynyń quramynda - alty baıqaýshy. Onyń ishinde Ortalyq saılaý komıssııasynan eki adam, Prezıdent Ákimshiliginen eki, jergilikti atqarýshy organdardan bireý jáne de máslıxattardan bir adam bar. Alty baıqaýshynyń ishinde eki adamnyń kandıdatýrasy Shyǵys Qazaqstan oblysynan usynylǵanyn atap ótý kerek. EQYU/DIAQB baıqaýshylarynyń quramynda QR Syrtqy ister mınıstriliginen bir kandıdatýra usynyldy. Sosyn Moldovanyń shaqyrýy boıynsha eki adam bar», - dedi Z.Baımoldına.
Qazaqstan Moldovadaǵy saılaýǵa baqylaýshylardy jiberedi 

Otyrysta komıssııa músheleri Moldovaǵa jiberiletin baqylaýshylar tizimin biraýyzdan qabyldady.

«Bıyl Moldova, Ýkraına, Lıtva jáne Ózbekstan memleketterinde saılaý ótedi. Sondyqtan aýmaqtyq saılaý komıssııalarynyń baqylaýshy retinde daıyndalǵan adamdardy iriktep jiberýi óte mańyzdy», - deıdi OSK tóraǵasy Berik Imashev.

Aıta keteıik, búgin QR Ortalyq saılaý komıssııasy ótken jylǵy aýyl ákimderin saılaý qorytyndysyn jarııalady. Oǵan sáıkes, byltyr elimizde 600-ge jýyq ákim aýysqan. Bıyl saılaý komıssııalarynyń bes jyldyq ókilettik merzimi aıaqtalyp otyr. Osyǵan baılanysty jergilikti jerde komıssııalardyń quramy ózgerdi. Budan bólek, aýmaqtyq saılaý komıssııalaryna 500-ge jýyq adam jańadan jumysqa qabyldandy. Olardyń jalaqysy 250 myń teńgege deıin barady.  

 

 

Bizdiń kanalymyzǵa jazylyńyz:

Bólisińiz:

Avtor:

Arman Asqarov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT