Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Qazaqstan men Slovakııa EQYU sheńberinde ózara is-qımyldy nyǵaıtpaq

2019 jylǵy 9 shilde 12:38 646
Bólisińiz:
Qazaqstan men Slovakııa EQYU sheńberinde ózara is-qımyldy nyǵaıtpaq

NUR-SULTAN. QazAqparat - Slovakııada 8-9 shildede ótip jatqan Eýropadaǵy qaýipsizdik jáne yntymaqtastyq uıymynyń (EQYU) Syrtqy ister mınıstrleri keńesine qatysý sheńberinde Beıbit Atamqulov EQYU-nyń qazirgi tóraǵasy, Slovak Respýblıkasynyń Syrtqy ister mınıstri Mıroslav Laıchakpen kelissózder júrgizdi, dep habarlaıdy QR SІM baspasóz qyzmeti.

Taraptar EQYU aıasyndaǵy ózara is-qımyldyń, sondaı-aq ekijaqty yntymaqtastyqtyń birqatar máselelerin talqylady.

Qazaqstan tarapy 2019 jyldyń 1 qańtarynan bastap óz mindetterine kirisken Slovakııanyń EQYU-ǵa tóraǵalyǵyna joǵary baǵa berdi. Bratıslava búgin EQYU aldynda turǵan mindetterdi sheshýge eleýli úles qosatyny atap ótildi.

«Biz Slovakııanyń EQYU-ǵa tóraǵalyǵynyń belgilengen basymdyqtaryn qoldaımyz jáne óz tarapymyzdan tóraǵa qyzmetin odan ári tabysty oryndaýǵa barynsha járdem kórsetýge daıynbyz», - dedi Qazaqstan SІM basshysy.

Talqylaýdyń mańyzdy taqyryptarynyń biri Nur-Sultanda EQYU Taqyryptyq ortalyǵyn qurý týraly qazaqstandyq bastama boldy. Osy ıdeıanyń ózektiligi men qajettiligi atap ótildi, ony iske asyrý Ekinshi (ekonomıkalyq-ekologııalyq) ólshemde Uıym qyzmetiniń tıimdiligin jáne onyń bedelin arttyrýǵa, sondaı-aq onyń mekemeleriniń neǵurlym birkelki geografııalyq kórsetilýin qamtamasyz etýge múmkindik beredi.

Sondaı-aq, EQYU Tóraǵasy el tarıhyndaǵy eń básekeli jýyrda ótken prezıdenttik saılaýdyń qorytyndylary, Qazaqstandaǵy sońǵy saıası ózgerister jáne QR Prezıdenti Qasym-Jomart Toqaevtyń halyqtyń ál-aýqatyn arttyrýǵa erekshe nazar aýdara otyryp, eldiń odan ári ekonomıkalyq ósýin qamtamasyz etýge arnalǵan baǵytymen egjeı-tegjeıli tanysty. Qazaqstan syndarly, teńdestirilgen jáne kópvektorly syrtqy saıası baǵytty jalǵastyratyny atap ótildi.

Álemdik saıasattyń jalǵasyp kele jatqan týrbýlenttiligi jaǵdaıynda taraptar ú.j. sáýir aıynda Tuńǵysh Prezıdent - Elbasy Nursultan Nazarbaevtyń «Úsh dıalogty» shaqyrý týraly bastamasynyń mańyzdylyǵy men ózektiligin atap ótti, onda ekinshi dıalog Eýrazııa keńistigindegi qaýipsizdik salasyndaǵy problemalardy birlesip sheshý úshin EQYU jáne Azııadaǵy ózara is-qımyl jáne senim sharalary jónindegi keńestiń (AÓSShK) áleýetin biriktirýdi bildiredi. Osyǵan baılanysty osy jyldyń kúzinde ózara is-qımyldy jolǵa qoıý úshin eki uıym hatshylyqtarynyń kezdesýin ótkizýge sapaly daıyndyq qajettigi atap ótildi.

Qazaqstan men Slovakııa EQYU sheńberinde ózara is-qımyldy nyǵaıtpaq 

Taraptar EQYU keńistiginde uzaq merzimdi turaqtylyq pen qaýipsizdikti qamtamasyz etýde erekshe ról atqaratyn Aýǵanstandaǵy jaǵdaıdy jeke tarmaqpen talqylady. Osyǵan baılanysty Aýǵanstandy áskerı emes ádistermen qalpyna keltirýge járdemdesý 2010 jyly EQYU-ǵa qazaqstandyq tóraǵalyq etý basymdyqtarynyń biri boldy.

Osy turǵyda qazaqstandyq tarap aǵymdaǵy jyldyń kúzinde Nur-sultan qalasynda EQYU janyndaǵy qatysýshy memleketterdiń turaqty ókilderin Qazaqstanǵa saparmen baılanystyra otyryp, Aýǵanstan boıynsha arnaıy is-shara ótkizýdi usyndy. EQYU osyndaı is-sharany ótkizý uıymnyń jaǵdaıdy retteýge jáne Aýǵanstandy konflıkten keıingi qalpyna keltirýge tartylýyn arttyrady.

Eki jaqty yntymaqtastyq máselelerine qatysty taraptar ótken jyly dıplomatııalyq qatynastardyń ornatylýynyń 25 jyldyǵyn atap ótken Qazaqstan men Slovakııa arasyndaǵy ózara is-qımyldyń aıtarlyqtaı joǵary deńgeıin atap ótti. Osy jyldar ishinde elder arasynda senimdi jáne syndarly dıalog jolǵa qoıylǵan, shart-quqyqtyq jáne ınstıtýtsıonaldyq baza qalyptasqan.

Qazaqstan Slovakııany Ortalyq jáne Shyǵys Eýropa men Eýropalyq Odaqtaǵy negizgi saıası jáne ekonomıkalyq seriktesterdiń biri retinde qarastyrady.

Qazaqstan-slovak saýda-ekonomıkalyq yntymaqtastyǵyn jandandyrý qajettiligi jáne qazaqstandyq taraptyń birlesken jobalardy iske asyrýǵa múddeliligi atap ótildi. Búgingi tańda QR-da slovak kapıtalynyń qatysýymen 30-dan astam kompanııa jumys isteıdi.

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT