Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Qazaqstan men Aýstrııa parlamentaralyq baılanystardy nyǵaıtýǵa ýaǵdalasty

2019 jylǵy 27 maýsym 18:49 782
Bólisińiz:
Qazaqstan men Aýstrııa parlamentaralyq baılanystardy nyǵaıtýǵa ýaǵdalasty

NUR-SULTAN. QazAqparat - Qazaqstan Respýblıkasy Parlamenti Senatynyń Tóraǵasy Darıǵa Nazarbaeva Aýstrııa Federaldyq Jınalysy Federaldyq Keńesiniń Tóraǵasy Ingo Appemen kezdesti, dep habarlaıdy QazAqparat joǵary palatanyń baspasóz qyzmetine silteme jasap.

D. Nazarbaeva meımanmen kezdesý barysynda Aýstrııa Qazaqstannyń Eýropalyq odaqtaǵy mańyzdy jáne senimdi áriptesteriniń biri ekenin atap ótip, bul sapar eki el arasyndaǵy ózara tıimdi yntymaqtastyqqa qosymsha serpin beretinine senim bildirdi.

Taraptar parlamentaralyq baılanystardy nyǵaıtýǵa ýaǵdalasty. Senat basshysy Qazaqstan men Aýstrııa Parlamentterinde qurylǵan yntymaqtastyq toptarynyń áleýetin belsendi damytý, sondaı-aq birlesken konferentsııalar aıasynda ózara is-qımyl qajet ekenin aıtty. Ol Qazaqstan men Aýstrııanyń kólik-logıstıka áleýeti jónindegi konferentsııa ótkizýdi usyndy. Bizdiń elderimiz aımaqtyq bıznes úshin tıimdi ornalasqan jáne logıstıkalyq habqa aınala alady. Qazaqstan Aýstrııaǵa Ortalyq Azııa, Qytaı jáne EAEO aýqymdy naryqtaryna jol ashady. «Bul múmkindikterdi bizdiń elderimizdiń saýda-ekonomıkalyq yntymaqtastyǵyn damytý úshin paıdalaný qajet», - dedi Senat tóraǵasy.

Qazaqstan men Aýstrııa parlamentaralyq baılanystardy nyǵaıtýǵa ýaǵdalasty 

Senat basshysynyń pikirinshe, aýyl sharýashylyǵy men týrızm yntymaqtastyqtyń basym salalary bolyp tabylady. Kezdesý barysynda Nur-Sultan men Vena arasynda tikeleı áýe qatynasyn ashý qajettigi atap ótildi, ol aýstrııalyq týrısterdiń Qazaqstanǵa kóbirek kelýine yqpal etedi.

I.Appe Qazaqstannyń táýelsizdik jyldary qol jetkizgen joǵary jetistikterine toqtaldy jáne gýmanıtarlyq yntymaqtastyqty jalǵastyrýǵa, atap aıtqanda, qazaqstandyq stýdentterdi Aýstrııada oqytýǵa múddeli ekenin aıtty. Sonymen qatar, 23-24 qyrkúıekte Nur-Sultan qalasynda ótetin Eýrazııa elderi tóraǵalarynyń «Úlken Eýrazııa: Únqatysý. Senim. Áriptestik» 4-shi keńesine aýstrııalyq delegatsııanyń qatysýy da talqylandy. 

Qazaqstan men Aýstrııa parlamentaralyq baılanystardy nyǵaıtýǵa ýaǵdalasty 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT