Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 377.29 EUR 418.41
RUB 6.09 CNY 54.66
Jańalyqtar

Qazaqstan L-610 jáne jeńil motorly Baıkal ushaqtaryn qurastyrmaq

2019 jylǵy 10 shilde 12:52 508
Bólisińiz:
Qazaqstan L-610 jáne jeńil motorly Baıkal ushaqtaryn qurastyrmaq

NUR-SULTAN. QazAqparat - Qazaqstan L-610 jáne jeńil motorly Baıkal ushaqtaryn qurastyrmaq. Bul týraly búgin Úkimet úıindegi baspasóz máslıhatynda QR Indýstrııa jáne ınfraqurylymdyq  damý vıtse-mınıstri Amanııaz Erjanov aıtty, dep habarlaıdy QazAqparat tilshisi.

«Reseılik óndirýshilermen birge L-610 jáne jeńil motorly Baıkal ushaqtaryn qurastyrý jobamyz bar. Bul baǵytta kelissózder júrip jatyr. Menińshe, «Qazaqstan ınjınırıng» reseılik kompanııalarmen birlesip, bul jumysty osy jyldyń sońynda bastaıtyn bolady», - dedi Amanııaz Erjanov.

Vıtse-mınıstrdiń aıtýynsha, osy jyldyń sáýir aıynda QR Indýstrııa jáne ınfraqurylymdyq damý mınıstrligi men RF Ónerkásip jáne saýda mınıstrligi arasynda óndiristik kooperatsııany damytý salasynda birlesken is-qımyl baǵdarlamasy qabyldanǵan. Onyń aıasynda KAMAZ kóliginiń komponentterin, Hyundai markaly mashınalar men olardyń komponentterin óndirý, "Azııa Avto QAZAQSTAN" AQ arqyly tolyq tsıkldi avtozaýyt salý boıynsha jobalar kózdelgen.

«Eger avtomobıl ónerkásibindegi jahandyq jaǵdaı týraly aıtatyn bolsaq, álemde biz birqatar ózgeristerdi baıqap kelemiz. Álemdik trendterdiń biri qorshaǵan ortany qorǵaý maqsatynda ekologııalyq taza mashınalar óndirisin, birinshi kezekte elektromobılderdi damytý bolyp sanalady", - dep atap ótti vıtse-mınıstr.

Onyń sózine qaraǵanda, taıaý bolashaqta balama tehnologııalar qoldanylǵan kólikterdiń álemdik satylymdaǵy úlesi 89 paıyzǵa jetip jyǵylmaq.

«Qazaqstan álemdik trendke saı bolýǵa umtylady. Sondyqtan biz mundaı jumysty júrgizip jatyrmyz. Máselen, «Saryarqa avtoónerkásibinde» Jac úlgisindegi 30-dan astam elektromobıl qurastyryldy. Elektromobılderdi  elimizdiń klımattyq jáne ınfraqurylymdyq jaǵdaıynda paıdalaný múmkinshilikterine aýqymdy zertteý júrgizildi. Satyp alýshylar úshin mundaı kólik túrleriniń qunyn tómendetý jumystary júrgizilip jatyr», - dedi Amanııaz Erjanov.

 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT