Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 377.29 EUR 418.41
RUB 6.09 CNY 54.66
Jańalyqtar

Qazaqstan-Koreıa IT-ortalyǵy aıasynda birqatar sharalar qolǵa alynady - Asqar Jumaǵalıev

2019 jylǵy 11 shilde 17:31 477
Bólisińiz:
Qazaqstan-Koreıa IT-ortalyǵy aıasynda birqatar sharalar qolǵa alynady - Asqar Jumaǵalıev

NUR-SULTAN. QazAqparat - QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev Ońtústik Koreıanyń ǵylym jáne AKT mınıstri ıÝ Seng Mınmen kezdesti, dep habarlaıdy QazAqparat.

Bul týraly búgin mınıstr óziniń Facebook-tegi paraqshasynda jazdy.

«Jaqynda Ońtústik Koreıanyń ǵylym jáne AKT mınıstri ıÝ Seng Mınmen óte mazmundy kezdesý ótkizdim. Osydan 15 jyl buryn, Qazaqstan Elektrondyq úkimetti damytýǵa alǵash qadam jasaǵan kezde, ońtústik koreıalyq áriptester óz tájirıbesimen bólise otyryp, biraz kómek bergen edi. Sol kezdiń ózinde Ońtústik Koreıa osy saladaǵy kóshbasshylardyń biri bolatyn. Biz bul yntymaqtastyqty jalǵastyrýǵa nıettimiz. Keshe áriptesterimizben birlesken josparlarymyz ben ıdeıalarymyzdy talqyladyq.

Innovatsııalyq ekojúıe men startaptardy damytý, jasandy ıntellekt, Big Datany qoldaný, elektrondyq úkimet pen aqyldy qalalardyń damýy týraly biraz áńgimelestik. Bul máselelermen Qazaqstan-Koreıa birlesken halyqaralyq IT-ortalyǵy aıasynda aınalysatyn bolamyz. Atalǵan ortalyqty «Astana Hub» aqparattyq tehnologııalar startaptarynyń halyqaralyq tehnoparkinde ashýdy josparlap otyrmyz»,-dep jazdy mınıstr.

Sondaı-aq ol «Seýlge jasaǵan jumys sapary barysynda koreıalyq áriptesterimizdiń 5G tehnologııasyn paıdalana otyryp engizgen sheshimderin kórdik. Innovatsııalyq klasterdiń, jergilikti startap-habtyń, ulttyq aqparattyq agenttiktiń jáne kıberqaýipsizdik jónindegi ortalyqtyń jumysymen tanystyq. Jýyrda áriptesterimiz Qazaqstanǵa kelýdi josparlap otyr. Biz óz kezegimizde «Tsıfrlyq Qazaqstan» memlekettik baǵdarlamasyn iske asyrý barysymen tanystyryp, olardyń usynystaryn tyńdaımyz»,-dedi Asqar Jumaǵalıev.

 

 

 

 

 

Bizdiń kanalymyzǵa jazylyńyz:

Bólisińiz:

Avtor:

Aıdar Ospanalıev

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT