Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Qazaqstan DSU mınıstrler konferentsııasyn ótkizedi

2018 jylǵy 28 qyrkúıek 16:33 896
Bólisińiz:
Qazaqstan DSU mınıstrler konferentsııasyn ótkizedi

ASTANA. QazAqparat - Dúnıejúzilik saýda uıymyndaǵy QR elshisi Janar Aıtjanova 2020 jyly Qazaqstanda ótetin mınıstrler konferentsııasynyń qandaı nátıje beretinin aıtyp berdi, dep habarlaıdy QazAqparat tilshisi.

«Qazaqstan 2020 jyldyń maýsym aıynda DSU 12-shi mınıstrler konferentsııasyn ótkizedi. Bul jıyn táýelsizdik alǵan sátten beri Memleket basshysy júrgizip kele jatqan ashyq saýda-ınvestıtsııalyq saıasattyń qısyndy jalǵasy bolyp otyr», - dedi Janar Aıtjanova jýrnalısterge bergen suhbatynda.

DSU-daǵy Qazaqstan ókili bul konferentsııany tarıhı oqıǵa dep baǵalady. 

«Sebebi, bedeldi uıymnyń halyqaralyq saýdany retteýge arnalǵan mundaı mınıstrler forýmy Eýroazııalyq óńirde alǵash ret uıymdastyrylady. Sońǵy kezderi iri derjavalar arasyndaǵy saýda qarym-qatynasynda shıelenister baıqalýda. Sondyqtan, DSU alańy shıeleniske toly qarym-qatynas pen saýda qaqtyǵystaryn sheshýde mańyzdy bolmaq. Qazaqstan dıalog pen ózara qarym-qatynas qurý úshin iri sharalardy ótkizetin alań usyný boıynsha óz saıasatyn jalǵastyryp otyr. Konferentsııanyń basty taqyryby - halyqaralyq saýda salasy men qazir iri oıynshylardy qanaǵattandyrmaıtyn erejelerdi reformalaý», - dep tolyqtyrdy sózin Janar Aıtjanova. 

Onyń aıtýynsha, atalǵan jahandyq konferentsııany ótkizý Qazaqstan úshin óte mańyzdy.

«Birinshiden, halyqaralyq saýda salasynda erejeler qalyptastyrýǵa, retteýge jáne uıymdy reformalaý protsesine qatysýǵa múmkindik beredi. Osy arqyly óz ekonomıkamyz týraly aıtyp, ekonomıkamyzdy ártaraptandyrý maqsatynda bolashaq ınvestıtsııalarǵa múmkindikter týǵyza alamyz», - dep sózin túıindedi Janar Aıtjanova.

 

 

Bizdiń kanalymyzǵa jazylyńyz:

Bólisińiz:

Aýdarma:

Aıjan Serikjanqyzy

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT