Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Qazaqstan DSU-ǵa jańa músheler úshin birkelki básekelestik alańyn qurýdy usyndy

2017 jylǵy 15 jeltoqsan 04:47 829
Bólisińiz:
Qazaqstan DSU-ǵa jańa músheler úshin birkelki básekelestik alańyn qurýdy usyndy

ASTANA. QazAqparat - Býenos-Aırestegi Dúnıejúzilik saýda uıymynyń (DSU) mınıstrler konferentsııasynyń plenarlyq otyrysynda qazaqstandyq tarap halyqaralyq saýda júıesin nyǵaıtýǵa qoldaý bildirdi, dep habarlaıdy QazAqparat SІM baspasóz qyzmetine silteme jasap.

Atalǵan jıynda Jenevadaǵy BUU bólimshesiniń jáne basqa da halyqaralyq uıymdar janyndaǵy Turaqty ókili, Elshi Janar Aıtjanova Qazaqstannyń halyqaralyq saýda júıesin nyǵaıtýǵa qoldaýyn bildirip, elimizdiń jahandyq saýdaǵa odan ári ıntegratsııalanýdy ustanatynyn atap ótti.

Budan buryn Naırobıde ótken Mınıstrler konferentsııasynda Qazaqstan eksporttyq básekelestik týraly tarıhı sheshim qabyldanǵanyn qoldap, qazirgi tusta onyń DSU-ǵa múshe elder tarapynan ýaqytyly júzege asyrylýyn kútedi. Turaqty ókil bul másele Qazaqstan úshin úlken qyzyǵýshylyq týdyratynyn atap ótti, óıtkeni DSU-ǵa qosylý barysynda eldiń teńizge shyǵý múmkindigi joq ekenine qaramastan, Qazaqstan eksporttyq sýbsıdııalardan bas tartýǵa májbúr boldy. Osy oraıda Qazaqstan basqa elderdi DSU-ǵa jańa múshelerge qatysty birkelki básekelestik alańyn qurýǵa shaqyrady.

J. Aıtjanova Doha raýndy sheńberindegi uzaqqa sozylyp ketken saýda kelissózderi boıynsha konsensýstyń bolmaýyna qaramastan, DSU-ǵa múshe elder qazirgi syndarǵa jaýap izdeýdi bastaý qajettigin basyp aıtty. Bul tez ózgeretin ekonomıkalyq ortada erekshe mańyzǵa ıe bolyp otyr, óıtkeni elektrondyq saýda, ınvestıtsııalarǵa qoldaý kórsetý, shaǵyn jáne orta kásiporyndardyń halyqaralyq saýdaǵa ıntegratsııalanýy, sondaı-aq ashyqtyqqa qoıylatyn talaptardy kúsheıtý sııaqty jańa taqyryptar boıynsha talqylaýlardy keıinge qaldyrý qazirgi qalyptasyp otyrǵan jaǵdaıda DSU-ny naqtylyǵy men ózektiligi tómen uıymǵa aınalýyna ákelýi múmkin. Qazaqstandyq dıplomat elimizdiń qyzmet kórsetý salasynda ishki retteý erejelerin ázirleý boıynsha kópjaqty kelissózderdiń qaıta bastalýyn quptaıtynyn da atap ótti, bul Qazaqstannyń ulttyq ekonomıkalyq múddelerine tolyq sáıkes keledi.

Sonymen qatar, qazaqstandyq delegatsııa basshysy qazirgi tańda Qazaqstan ekonomıkasynyń barlyq salalaryn jáne áleýmettik ómirdiń ár túrli aspektilerin qamtıtyn tsıfrlandyrý baǵdarlamasyn júzege asyryp jatqanyn habarlady. Osyǵan baılanysty bizdiń el DSU-nyń elektrondyq saýdany damytý úshin ashyq, kemsitpeıtin jáne boljamdy ǵalamdyq erejelerdi ilgeriletýdegi mańyzdy rólin moıyndaıdy.

Aıta keteıik, mınıstrler konferentsııasy DSU-nyń eki jylda bir márte ótkiziletin joǵary basqarýshy organy bolyp tabylady. Onyń quzyretine mınıstrlerdiń Uıym qyzmetiniń basym baǵyttary boıynsha sheshimder qabyldaý kiredi. Ádette, Konferentsııanyń negizgi maqsaty DSU-ǵa múshe elderdiń halyqaralyq saýdanyń jańa retteýshi normalary men erejeleri boıynsha kelisimderge qol jetkizý, sondaı-aq Uıymnyń bolashaq jumysynyń jalpy baǵytyn kelisý bolyp tabylady.

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT