Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

«QazAqparatta» 1 jyldyń ishinde eń kóp oqylǵan 20 jańalyq

2017 jylǵy 31 jeltoqsan 10:36 652
Bólisińiz:
«QazAqparatta» 1 jyldyń ishinde eń kóp oqylǵan 20 jańalyq

 ASTANA. QazAqparat - Qazaqstandaǵy birden-bir Halyqaralyq Aqparat agenttigi sanalatyn - «QazAqparat» 2017 jyldy qorytyndylap, sońǵy 365 kúnniń ár 24 saǵatynyń ishinde eń kóp oqylǵan jańalyqtardy taldap kórdi. Bir aıta keterligi, qatarynan «oza shapqan» 20 jańalyqtyń aıtarlyqtaı shoǵyry Dımash Qudaıbergenge qatysty jarııalanǵany belgili bolyp otyr.

Sózsiz, jyldyń eń aıtýly jetistikteriniń aldyńǵy qatarynan kórinip otyrǵan Dımash Qudaıbergenniń jeńisi qazaq atyn alty qurlyqqa tanyta tústi. Qytaı elindegi «Singer-2017» jobasynda shashasyna shań juqtyrmaǵan Dımash týraly kez kelgen jańalyq «QazAqparat» betinde salmaqty materıaldarǵa aınalyp shyǵa keldi. Máselen, 2017 jyldyń 25 aqpanynda «Dımashty Astanada qarsy alǵan jankúıer kóp bolmady» taqyrybyndaǵy jarııalanymdy bir kúnde 23 699 adam (biregeı oqyrman) oqyǵan. Bul kórsetkishti - «QazAqparat» HAA betindegi bıylǵy jyldyń rekordy ekenin aıta ketý kerek.

Dúıim jurtty dúrliktirgen «Qalaýlym» baǵdarlamasy týraly jańalyq aqparat agenttiginde jıyrma myńnan asa oqylym jınaǵan eki jarııalanymnyń biri bolyp otyr. «Qalaýlymnyń» basyna qara bult úıirildi» atty jańalyq 21 551 oqylym jınap, «kúmis medaldi» qorjynǵa saldy. Al «oqylym báıgesiniń» úshtigin «1 shildeden bastap zeınetaqy, járdemaqy jáne áskerı qyzmetshilerdiń jalaqysy ósedi» degen jarııalanym túıindegen (16865 oqylym).

Endigi kezekte, aldyńǵy ÚShTІKTEN keıin oqylym boıynsha oza shapqan jarııalanymdar legin usynsaq:

4) Dımash qytaılyqtarǵa 14 mln teńge aýdardy - 16 555 oqylym;

5) OQO-da daladan tabylǵan balanyń qulaǵynyń tusynda sırek kezdesetin belgi bar - dárigerler - 15 970 oqylym;

6) Baıqaýdyń úshinshi kezeńinde Dımashtyń áleýetti qarsylasy paıda boldy - 15 928 oqylym;

7) OQO-da daladan sómkege salynǵan jańa týǵan náreste tabyldy - 15 833 oqylym;

8) 1 shildeden bastap HQKO-lardan qazaqstandyq tólqujatqa balalardyń sýretin japsyrýǵa bolady - 14 868 oqylym;

9) Almaty oblysynda bir otbasynyń úsh múshesi tutqyndaldy - 14 075 oqylym;

10) OQO-daǵy toı kortejimen birge ushqan tikushaqty jergilikti patrýldik polıtsııa izdestirýde - 13 721 oqylym;

11) Aqtóbelikter jol-kólik oqıǵasy kezinde qaza tapqan qyzdy aqtyq saparǵa shyǵaryp saldy - 12 291 oqylym;

12) Dımash Qudaıbergen jeke kontsertinde kórermendi nemen tańǵaldyrdy - 12 105 oqylym;

13) Internetti dúr silkindergen oqýshy Dımashtan ozýdy armandaıdy - 12 095 oqylym;

14) Bilim grantyn kim ıelengenin qalaı anyqtaýǵa bolady - 11 826 oqylym;

15) Dımashtyń keshinde án shyrqaǵan sheteldik qonaqtar kontsert týraly pikir bildirdi - 11 070 oqylym;

16) Ánshi Lýına dámhanaǵa kelip, shotty tóleı almaǵan qos ǵashyqty qonaqqa shaqyrdy -11 031 oqylym;

17) Saparbaev baspanasy sýǵa ketken adamdarmen dóreki sóılesken qyzmetkerlerge eskertý jasady - 10 611 oqylym;

18) Dımash qytaılyq ánshi qyzǵa baýyr basyp qalǵandyǵyn aıtty - 10 387 oqylym;

19) Ákesi men inisin aıýandyqpen óltirgen balamdy keshirmeımin - sottalýshynyń anasy - 10 282 oqylym;

20) Aqtóbede sý tasqynynan zardap shekkenderge jiberilgen buıymdardyń jartysy qoqysqa tastalady - 10 180 oqylym.

«QazAqparat» Halyqaralyq aqparat agenttiginde 1 jyldyń ishinde eń kóp oqylǵan 20 jańalyqtyń legi osyndaı. Aldaǵy ýaqytta da agenttik ujymy oqyrmandarǵa mańyzdy ári jedel aqparatty keshiktirmeı berýde baryn sala bermek. 

Bizdiń kanalymyzǵa jazylyńyz:

Basty sózder: Jyl qorytyndysy,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT