Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

«QazAqparat» HAA Irannyń aqparat agenttigimen memorandým bekitti

2017 jylǵy 6 qyrkúıek 17:22 953
Bólisińiz:
«QazAqparat» HAA Irannyń aqparat agenttigimen memorandým bekitti

ASTANA. QazAqparat - Astanada «QazAqparat» halyqaralyq aqparat agenttigi men Iran Islam Respýblıkasy Aqparat Agenttigi (IRNA) ózara túsinistik týraly memorandýmǵa qol qoıdy, dep habarlaıdy QazAqparat tilshisi.

Memorandým aqparat almasý salasyndaǵy kásibı yntymaqtastyqty nyǵaıtýdy, dostyq qarym-qatynastar men buqaralyq aqparat quraldary salasyndaǵy jemisti yntymaqtastyq ornatýdy kózdeıdi.

«Qazaqstan men Iran arasynda yntymaqtastyq jan-jaqty damyǵanymen, aqparat almasýdyń azdyǵy seziletin. Búgingi memorandým eki el arasyndaǵy ekonomıka, aýyl sharýashylyǵy, ónerkásip sekildi birqatar salalardyń damýyna yqpal etedi. Qazaq jerinde ırandyq óndirýshilerdiń taýaryn, Iran dúkenderinde qazaq ónimderin kóretin kún de alys emes. Eki el arasyndaǵy aqparattyń moldyǵy týrızmniń damýyna da septigin tıgizedi. Iran men Qazaqstannyń týrıstik oryndarynyń túrli fotosýretteri men beınerolıkteri turǵyndardyń qyzyǵýshylyqtaryn arttyrary sózsiz», - deıdi IRNA basshysy.

«QazAqparat» HAA Irannyń aqparat agenttigimen memorandým bekitti 

Óz kezeginde, «QazAqparat» HAA basshysy EKSPO kórmesinen keıin Qazaqstanǵa sheteldik áriptesterden usynystardyń kóptep túsip jatqanyn basa aıtyp, Ortalyq Azııadaǵy eń iri agenttikterdiń birimen kelisim jasaýdyń mańyzdylyǵyn jetkizdi.

«IRNA - Ortalyq Azııa, Iran jáne Aýǵanstan aımaqtaryndaǵy eń iri agenttikterdiń biri. Sondyqtan QazAqparat úshin búgingi memorandýmnyń mańyzy zor. Eki el arasyndaǵy aqparattyq salasyndaǵy áriptestik Qazaqstan men Irannyń mádenı baılanysyn nyǵaıtary sózsiz. Búgin Iran agenttiginde Qazaqstannyń damýy týraly fotoreportaj, EKSPO týraly aqparattar jarııalanady. IRNA - 10 tilde aqparat taratatyn, birneshe merzimdi basylymdary men óz mektebi bar úlken agenttik. M.Hodadı myrza tilshilerdi Iranǵa sheberlik synybyna shaqyryp otyr. Odan da ózge birqatar mańyzdy sharalardy josparlap otyrmyz», - deıdi Asqar Ýmarov.

Memorandýmǵa qol qoıylǵan soń,  «QazAqparat» halyqaralyq aqparat agenttiginiń bas dırektory Asqar Ýmarov IRNA basqarýshy dırektory Mýhammad Hodadıdiń ıyǵyna qazaqy saltpen shapan japty.

Oqyrmandarǵa túsinikti bolý úshin aıta keteıik, IRNA ınternet-keńistikte ǵana jumys istemeıdi. Ol jalpyulttyq «IRAN» gazeti men ózge de merzimdi basylymdardy shyǵarýmen aınalysady. IRNA-nyń Iranda 60 jáne álem elderinde - 30 keńsesi bar.
QazAqparat - halyqaralyq dárejege ıe bolǵan Qazaqstandaǵy alǵashqy aqparat agenttigi.

QazAqparatta ózge otandyq aqparat agenttikterinde joq tilshiler jelisi bar. Eldiń barlyq aımaqtarynda 15 tilshiler pýnkti ornalasqan. Onyń ishine Baıqońyr da kiredi. Reseı, Qytaı, Túrkııa, BAÁ, Belgııa, Ázerbaıjan, Ózbekstan, Qyrǵyzstan elderinde menshikti tilshileri bar.

Búginge deıin «QazAqparat» TASS (Reseı), «Azertadj» (Ázerbaıdjan), «Anadolý» (Túrkııa), «Belta» (Belarýs) syndy 22 aqparat agenttikterimen memorandýmǵa qol qoıǵan edi. 2017 jyly «QazAqparat» HAA Germanııa, Túrikmenstan, BAÁ, QHR jáne ShYU hatshylyǵynyń aqparat agenttikterimen memorandýmge qol qoıdy.

 

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT